基本上，愛爾蘭每個房產物業內均擁有一套由國家接駁好嘅電力及天然氣體供應系統。每個系統都有一個讀數器 ( Meter Reading ) 用嚟計算用戶嘅用電量 / 天燃氣用量。
愛爾蘭係一個開放自由嘅市場。愛爾蘭內有多間電力、天燃氣體代理商供給市民自由選擇。用戶可以按照自己嘅需要，自由選擇。( 電力、天燃氣選擇唔同代理商都無問題 ) 。
以下網站提供各代理商比較，幫助大家作出合適嘅選擇。
💥 實用小 TIPS :
。 當用戶需要切換新代理商 / 帳單轉名 / 入住新居時、必須提供以下代號，先可以順利完成相關登記手續。
。 天燃氣代號：GPRN ( Gas Point Reference Number ) ，係一組七位數字代碼，代表咗愛爾蘭天然氣網絡 Gas Network Ireland 分配給房產嘅天燃氣地點。GPRN 代號可以在天燃氣帳單上找到。
。 電力代號：MPRN ( Meter Point Reference Number ) ，係一組十一位數字代碼。MPRN 由愛爾蘭電力網絡 ESB Networks 管理，可以準確地顯示房産嘅電力供應位置。MPRN 代號可以在電費單上找到。
。 電 、Gas 選擇使用同一供應商，會有較多優惠。
。當合約到期時，一定要格價後再選擇幫襯邊間供應商，咁會幫大家慳到唔少錢。
Comments