我提呢句說話並無褒貶之意。要知道人類過嘅係群體生活，嬰兒一出生就注定要被其他人接觸，兒童成長階段亦都要學習如何與他人溝通，建立友誼，和平共處。人喺成長過程中會同不同嘅人有關係，無論呢種關係係好定唔好，人人都會有所得著。
地球上雖分有各種種族，但係其實人嘅本質係不變。所以只要你識人，全世界通行。
賣完關子，係時候入正題：
愛爾蘭人同澳門人一樣 ( 可能其實所有人都係咁樣 ) ，人事安排上會用已制定嘅標準；無論喺聘請員工、入學申請、租屋、參與群體活動等等，只要係有人介紹，有舊僱主 / 校長、老師 / 任何人嘅推薦信，事情都會事半功倍，如有神助。
話說過到嚟嘅網友同我講，愛爾蘭搵工真係好難，CV ( 求職履歷 ) 寄咗出去超過兩個月，仍然冇乜聲氣，問我可以點樣做？
咁我當然抱住幫下手嘅心態，了解網友需要乜嘢類型嘅工作？當我知道有合適嘅工作出現，都會告知對方，叫對方試吓去見工。
喺愛爾蘭生活，絕對需要人脈關係。
你識我，我識人，人又識人，你話好唔好？
呢個真係誇種族 跨時空的現實 外國的月亮並沒有更圓。 愛爾蘭搵工真的比想像中的難 這情況不知道是碰巧在這個時段出現 還是一直是這樣的呢？
版主說得對 這裏也很需要人脈關係 教你竅門秘訣 甚至幫你開路。我公司一位「幫得手」的員工 看到了了這裏的職位空缺 立即推介自己家人 坐飛機來愛爾蘭按照程序準備上工👍👍
真係恨死隔離🤤