走到愛爾蘭街上、你會發現並沒有太多公共垃圾桶俾大家揼垃圾，就算有，個垃圾筒都係得細細個揼垃圾位、等大家唔可以塞大件垃圾入去。而街上大型垃圾桶係屬於商店擁有；有D店鋪東主為咗唔俾人亂揼垃圾入去，甚至會用鎖鎖住個垃圾桶蓋。
誇張呢？因為愛爾蘭每個家庭住戶、商業用戶等，都要為自己制造嘅垃圾付出費用。愛爾蘭每一個地區都會有不同嘅私營處理垃圾公司，幫忙處理垃圾。
用戶可以自由選擇幫襯邊間公司，而收費會按照垃圾量或定價收費，以每月、半年或一年時間收取款項。當用戶選擇好、付費後，處理垃圾嘅公司就會免費提供唔同種類嘅垃圾桶，之後每個星期 / 指定日期就會定時上門、收取指定種類嘅垃圾。
***千萬緊記、去到住宅區、如果發現房屋外路口有垃圾桶，千祈唔好揼垃圾入去啊！住戶會超、超、超嬲㗎!
垃圾分類：
黑揭蓋 / 黑色垃圾筒：General waste 一般垃圾 藍揭蓋 / 藍色垃圾筒：Recycle Material Only 只接受回收材料垃圾 啡揭蓋 / 啡色垃圾筒：Organic / Compostable Material 有機 / 可堆肥材料垃圾 另提供小型垃圾筒：For Glass only 只接受玻璃
*Compostable 有專用垃圾袋、不可亂用。垃圾也不可亂揼，否則就會破壞咗「分類回收」嘅意義。
愛爾蘭政府在不同地區內置設大型箱回收 Cans / Glass / Clothes / Plastic Bottles。大家如有此類物品，記得使用回收箱。
自 2024 年 2 月 1 日起，當您購買帶有 Return 標誌嘅飲料時，除飲料價格外，您還需支付少量押金。該計劃所涵蓋嘅飲料容器為 PET 膠樽以及 150 毫升至 3 公升之間的鋁罐和鋼罐。150 毫升至 500 毫升（含）嘅容器需支付 €0.15c 押金 ，500 毫升至 3 公升（含）以上嘅容器需支付 €0.25c 押金。如果將空嘅、未損壞嘅容器退回到任何帶有 Return 標誌嘅回收機器，您將獲得全額退款。
您可以退回有蓋或沒有蓋嘅膠樽。我們建議退回帶有瓶蓋嘅膠樽，因為這將確保瓶蓋也能回收。另外，如果瓶蓋仍然蓋著，更容易保持瓶子的形狀。
並非所有飲料容器都有資格獲得押金回饋。該計劃不包括乳製品。例如。牛奶、優格飲料。
雖然這些容器沒有 Return 標誌，但仍應掉到指定垃圾筒。
以下係各地區嘅處理家居日常垃圾公司 ( Household Waste ) 。要注意，唔同公司會有唔同嘅指定負責地區。大家可以參考鄰居用緊邊間公司再決定幫襯邊間。
Co. Dublin ( 按照評價由高至低順序列出 )
Co. Cork
Co. Limerick
Co. Galway
Comments