臨近聖誕，本地人家家戶戶都着手準備慶祝大節，就連禮拜六、日街道上都有長長車龍，人頭湧湧，商場人來人往，個個都拎住一袋二袋，睇嚟近排嘅 Omicron真係一啲都影響唔到佢哋 ......
本來以為自己嘅親友唔喺身邊，又唔使相約朋友共渡佳節 ( 你知啦，疫情吖嘛！唔去人哋屋企就係對大家最好嘅關愛！) 。一心諗住可以保住個荷包，點知，我家最重要嘅腳 ( 我部車 ) 竟然罷工！唉，真係註定要洗嘅錢......始終都係要洗。😩
深知架車係有幾重要，所以我哋一直都有 ( 每年 / 按指示 ) 帶佢去做定期檢查，仲要只會去原廠做保養。身邊朋友通常會問，點解唔去普通車房？要去原廠咁貴？你哋好晒錢喎！
唉，老實講，汽車嘅嘢我家冇人識，而且又唔知道邊間車房係最好、最老實？就算本地人話好，但係你一個華人樣走入去，佢又會唔會真係對你咁好？與其怕俾人當水魚，咁不如去原廠，起碼有白紙黑字講明，零件保證唔會假，信心都大啲。
就係咁，早幾日架車一跪低，我就立即打電話去原廠查詢應該如何處理，佢了解完之後，就安排咗一部拖車帶走咗我架車，仲另外安排咗一部車免費借畀我暫用。車行有咁嘅服務，其實我已經好滿足，至少起碼我唔使擔心會冇車用......
至於埋單要幾錢？
下回分解⋯⋯😂😂😂
Comments