愛爾蘭本身就係一個移民嘅國家。點解會咁講？話說愛爾蘭當年發生大饑荒，人民紛紛逃難到美國，歐洲等地。其影響深遠至今，好多愛爾蘭人成年後都會選擇遠走他鄉，向外尋求發展嘅機會。話說分佈喺全世界嘅愛爾蘭後裔、加上嚟仲多過愛爾蘭本土總人口數。
唔知大家有冇發覺，喺近幾年嘅不同資訊中，都有開始提及愛爾蘭，呢個咪就係要多得英國嘅脫歐，令到愛爾蘭聲名大噪。愛爾蘭係歐盟區內使用英語為主嘅國家。擁有歐洲居留權嘅人，以前一味向英國衝，而家，愛爾蘭已經成為佢哋嘅首選。
當然，近年想移居到英語國家嘅人已經改道去咗愛爾蘭，移民四方八面湧入愛爾蘭，令到原本就嚴重失衡嘅愛爾蘭房屋供應、更加雪上加霜。試問澳門人有幾多個試過同其他外人住埋同一間房，甚至分享同一張床 ( 絕對冇誇張 )。現時要搵屋 ( 房 ) 住、絕對係一大難題。想移居到愛爾蘭嘅人，如果你接觸過愛爾蘭本土嘅地産公司之後、仍然搵唔到合適嘅屋，你可以嘗試吓接觸愛爾蘭嘅華人圈。愛爾蘭各區都有華人圈，佢哋大多數會用微信 We Chat 交流，圈內群組會不定時有房屋出租，工作招聘等資訊。而 face book 內亦有不同嘅群組，有助大家搵一個暫時落腳嘅地方。
唔怪之得比較包容 歧視情況感覺少啦👍