作為一個過來人，我可以好肯定咁講畀大家知，移民一定要有周詳嘅考慮同計劃。
打從我喺十七年前下定決心要一家人一齊回流愛爾蘭時，我就已經有一個好清晰嘅目標，就係一定要喺澳門搵到足夠嘅錢，先可以有條件去實行自己嘅決定。
我知道愛爾蘭絕對係一個高消費嘅國家，如果日後只單憑工作上嘅收入，喺好難得到優質嘅生活。加上隨著自己嘅年齡增長，我知道自己可以喺愛爾蘭搵到大錢 / 儲錢買屋嘅可能性係會越嚟越低。如果我唔好好咁利用澳門黃金十年 ( 廿年？) 去打好我嘅資金基礎，又或者我冇爭分奪秒，喺 40 歲之前完成唔到我嘅回流計劃，我哋係冇可能可以過返嚟愛爾蘭。
雖然我一直都知道，只要肯做肯捱，其實人喺愛爾蘭係一定可以搵到工，係一定生存到，但係我亦都好肯定，如果自己本身冇一定嘅經濟基礎，一家人就算過到嚟，生活都只會係營營役役、勞勞碌碌，喺絕對冇可能得到比起澳門舒適圈更舒適嘅環境。
所以，當遇到有心想離開嘅朋友，我當然會好欣賞，好支持佢哋嘅決定。
但係我亦都要有責任地強調一句：
移民最大嘅本錢係錢，如果無錢，年齡搭夠。
（ ⚠️ 如果你係單身又冇錢，只要你覺得自己仲可以捱、可以駁，你都可以走。）
多謝大家嘅美言同支持。🙏🏻 無錯，移民絕對係一個重大決定，係會改變自己同家人一生嘅決定，呢一點我相信大家都會好認同。因為重要，所以所有決定都要三思而後行，有葡籍護照當然事半功倍，但係大家真係要有兩手或更多嘅準備，先至可以說服到自己同家人坐埋喺同一條船上，只有準備充足，先可以避免日後中途跳船；互相指責嘅情況出現。 咁如果冇葡籍護照但係又想放眼世界？其實有冇可能？當然有、我下次開個 Topic 再詳細講畀大家知。
樓主既準備功夫，眼界都好大，而且係好耐之前已經落決定，真係唔簡單。
係呀其實你自己走去闖 自己食蕉 咁梗係冇問題啦 但係你係帶住一家大細 你就真係要好認真去看待呢件事。我相信很多人在考慮的是家人 包括適應 發展 及條件。並非單純捨不得舒適圈 或是否認同意識形態 或是否看通未來的發展。澳門人 香港人 內地人 想走想不起的 為數不少呢。佩服樓主能早就為自己訂立清晰路線圖 不戀捨豐厚職位。👍👍
我係香港人，除左HKSAR Passport, 仲有 BNO Passport 和 Taiwan Passport, BNO visa policy 維持幾耐冇人知，如果呢個政策冇左，香港人唔能夠再申請 BNO visa 去英國，咁要透過其他現有既visa scheme 去英國，咁會有相當一部分香港人去唔到英國。係呢個時候，選擇唔去，第日可能冇機會再去，所以，我申請左BNO visa 先，係台灣完成埋D嘢會去英國。 以我自身經歷嚟講，因為我老母係台灣人，所以2019年尾去台灣依親居留1年，2020年尾入籍台灣。睇返而家，香港人嚟台灣面對好多（所謂既）審查，入唔到籍。好多事要及時而作。 樓主有一點唔同，你本身有Portuguese citizen, 同時係 EU citizen, 幾時去愛爾蘭都得。所以我幾羨慕你