葡籍人士 （ 以下簡稱 EU ）
非葡籍親屬 （ 以下簡稱 Non EU ）
居愛簽證 Stamp4 EUFAM Visa （ 以下簡稱 S4EUF ）
• Non EU 可否喺入境愛爾蘭之前預先申請S4EUF？
不可以
• 究竟係 EU 先入境愛爾蘭；Non EU 留後 ? 定係一齊入境好？
兩者也可以，視乎個人需要及安排。如果 EU先入愛，可以提前安排租屋，尋找子女學位，準備申請 S4EUF 所需文件等事項，然後再飛回原居地與 Non EU 會合後再一齊入境。
如果選擇一齊飛，咁就要喺飛之前準備好晒所需文件，因為如果有遺漏，要返去再攞就變得唔容易。
• 申請 S4EUF 途中，EU 和 Non EU 可以離境嗎？
由於 EU 為 Non EU 申請 S4EUF 嘅理據為 「 整個家庭將會 / 已經以愛爾蘭為長期定居地」；而 Non EU 亦必須要喺入境後 90 日內遞交申請表格。由於申請 S4EUF 嘅文件有指定嘅時限，以及需要提供一系列有連貫性嘅文件證明，如果是但一方中途離愛，會絕對影響審批進度，甚至乎會被認為缺乏足夠嘅理據去申請。
• 現時申請 S4EUF 需要幾耐先會收到回覆？
要視乎申請者遞交嘅文件是否充足。移民局首次回覆大多數會喺寄出申請表後一個月內收到。如果超過一個月以上都收唔到任何回覆，申請者就要睇吓自己是否欠交好多資料，如果係，就要盡快補交並且可同時向移民局查詢有關申請嘅進度。
• 如果移民局確認咗 Non EU 嘅 S4EUF 申請；並且批出臨時居留簽證給 Non EU ，Non EU 可以在愛工作嗎？臨時居留簽證有多長有效時間？
可以，Non EU 手持臨時簽證已經有在愛合法工作嘅權利。臨時居留簽證有效期多為半年。
• 咁要等幾耐先出到正式 S4EUF ? 有效期有幾多年？
正常情況之下，臨時居留證過期之前，移民局就會發出信件通知有關申請已經批准。而正式簽證嘅年期會根據申請者遞交嘅文件而給予一至五年嘅有效期。
⛑以上答案均為本人經驗之談，一切標準答案請以移民局以及相關部門為準。
資料詳盡，十分有用，多謝多謝