我相信有好多考獲愛爾蘭車牌嘅港、澳人仕，到國家駕駛執照服中心 National Driver License Service ( NDLS ) 申請車牌，如果喺申請表格上嘅出生國家填上香港，澳門，都會被職員勸喻地 / 直接地 DQ ，要求更改出生地點，要填寫出生「 國家 」 ，就算申請者如何解釋說明，如何面露不悅，職員都只會按本子辦事。
NDLS 車牌系統中；地方選擇沒有Hong Kong / Macao 嗎？
答案係 : 佢哋有！其實連 Taiwan 都有！
你估佢哋真係唔知道 Hong Kong / Macao / Taiwan同「國家」嘅分別？
只不過，只要你當時肯屈服，咁佢就好做好多囉⋯⋯
就係咁，屈服換來遺憾，攪到連車牌都費事帶出街。😂
話說疫情之下，換領車牌可以不用真人直接出席到 NDLS Office 辦理手續，改為網上申請就做到。所以後期獲得嘅車牌，係可以顯示到 Hong Kong / Macao ( 出生地取決於申請者建立 MyGovID 戶口時如何填寫資料 )。
此事一出，當然立即平反！
啱嘅，就應該去爭取！
道理係我度，怕你有牙咩！
PS ： 97年 / 99年之後出世嘅朋友們，不好意思了。中國香港 / 中國澳門 / 反正都是中國啦！
Comments