趁住愛爾蘭天氣好，就同家人用 6 日時間去環島自駕遊，其實時間係唔足夠走勻全島，加上酒店房間價錢真係好貴，所以只好精選幾個想遊覽嘅目的地，邊走邊看，細味欣賞沿途美景。
暑假當然係旅遊嘅黃金檔期，就算喺現時所謂嘅疫情之下，所到之處都係人山人海，真係令人感受到生活已經重返正常期，大家絕對係盡情享受、活在當下 。
我哋一家人由屋企出發，自駕到 Doolin Cave，Galway，Westport，Castlebar，Silgo，Donegal，再前往北愛爾蘭 Londonderry，Ballycastle，Belfast，之後返回愛爾蘭都柏林。全程駕駛超過一千公里，途中穿越兩個國土，感受兩種截然不同嘅環境、建築同氣氛。
當自駕去到邊境之處，其實係完全無關卡，只係睇到有愛爾蘭警察，隨機截停車輛抽查一下。如果唔係車速量度單位唔一樣，電話開始收唔到訊號，係根本唔會知道自己已經入咗北愛。去到北愛 Belfast，睇到街道上充滿英式建築物，當下真係會有一種錯覺，以為自己身處香港中環。
北愛雖然用英鎊，但係有自己嘅發鈔銀行、印刷同英國英鎊完全唔一樣，但係價值喺一樣嘅。
關於此行，我有以下感想：
愛爾蘭嘅物價真係好貴吖。我想住近啲邊境，日日過北愛消費。
有愛爾蘭車牌真係好，可以暢通無阻去歐遊，車保仲包埋成個歐洲 ( 包括英國 )。
英式建築物真係好靚，好有親切感。
期待下次去葡萄牙，等於返咗澳門。
Comments