平時就算點知慳識儉，其實都會製造唔少不再需要 / 不再有用 / 自己已經用唔着嘅物品。當然，想要簡單處理，將所有唔要嘅嘢當普通垃圾咁扔掉就可以。但係...假如物品仍然好新淨，就咁掉咗好可惜；又或者胡亂扔掉會污染環境，咁就好應該環保啲去處理。
• 舊衣物；唔啱着但又好新淨嘅鞋
基本上不同嘅慈善機構每個月都會派至少一張宣傳貼紙入屋；只要將自己不再需要而又清㓗嘅物品放入袋，再貼上宣傳貼紙，於指定日期、時間放喺屋外，就會有人上門收取。又或者自己將物品直接拎去任何 Charity Shop ，佢哋會好樂意接受捐贈。
• 會釋放毒素嘅廢物
所有 Aldi 超級市場都會有電池回收桶，大家可以儲起一次過拎過去。至於壞咗嘅燈膽、電器等廢料，就需要拎去愛爾蘭各地回收站，先至喺正確嘅處理手法。
Weee Ireland 可免費回收任何帶插頭或電池嘅家用物品如：LED 燈、風筒等等。👉🏻 按此查看詳細可回收物品。
• 循環再用
咖啡玻璃樽，醬料玻璃樽，洗手液、清潔劑膠樽；蘑菇膠盒，雪糕膠盒，全部都喺好好用嘅儲物器。既然玻璃樽、膠樽膠盒賣得咁貴，咁不如將有用物資留番嚟循環再用。既可慳錢，又夠環保。
只要逐少逐少咁改變舊有嘅生活模
式；得益者絕對唔止自己一人。
Comments