作為乳製品、肉類、奶粉、藥物生產地及輸出國嘅愛爾蘭，食品到底有幾安全？
唔講你唔知，2017 年全球食品安全指數總體表現，愛爾蘭排名第一，比任何歐、美、澳洲等國家都要優勝。2018 、2019、2020 年愛爾蘭依然保持水準，穩守第二。
2021 年全球食品安全指數總體表現，愛爾蘭再次重奪第一。咁多年嘅優質數據表現，絕對足以證明愛爾蘭食品係有保証嘅。
全球糧食安全指數排名及趨勢 Global Food Security Index Rankings and Trends
愛爾蘭食品可以有咁好嘅成績，全頼有愛爾蘭食品安全局 FSAI ( Food Safety Authority of Ireland ) 全力把關。
FSAI 于 1999 年成立，當局通過檢測、專業科學知識和尋找證據，制止和防止所有違反食品法嘅行為。咁樣就可以有效咁保護消費者嘅權益，確保食物鏈嘅安全性，完整性和真實性。
短短廿數年間，FSAI 已經建立出世界一流嘅官方食品控制系統，為消費者提供最佳嘅結果。
為咗令到消費者可以掌握第一手嘅訊息，FSAI 官方網頁會頻密地向大眾公佈 ( 真係差唔多日日有 ) 有問題嘅食品，並且會即時發出回收食品警報；食物過敏原警報；以確保食品達到安全標準。
大家千祈唔好覺得，日日都有警報即係好差啦！其實正好相反、有 FSAI 嚴密嘅把關，就算食品係由其他國家輸入到愛爾蘭，如果唔安全，一定唔會送到去消費者手上。
食愛爾蘭食品安全局品警報 FSAI Food Alerts
係愛爾蘭，想要食得健康，其實唔係只得有機食物呢一個選擇！
愛爾蘭食品局 Bord Bia Irish Food Board
始創於 1994 年 12 月 1 日，愛爾蘭食品局委員會匯集咗愛爾蘭內高水準嘅農業生產商、肉類供應商、乳製品生產商、海產供應商、飲品生產商等等。一齊合力打造同推廣愛爾蘭本土生產嘅優質食材，務求令到愛爾蘭居民、甚至乎全球客戶都認可愛爾蘭出產嘅食品和飲品。令消費者認同愛爾蘭出品都係獨特嘅，高品質嘅，屬於世界一流。
咁大家去買餸嘅時候識得點揀啦😉
Comments