愛爾蘭醫療保健系統分為 公共服務 和 私人服務 。
呢兩項服務均由衛生服務管理局 Health Service Executive ( HSE ) 負責，提供公共和社區衛生服務。
點樣可以喺愛爾蘭免費或以較低嘅費用享受公共衛生服務？
首先你必須係已經喺愛爾蘭生活一年，或者打算喺呢道居住至少一年嘅常住居民。你需要擁有一位 家庭醫生 General practitioners ( GP ) ，並且向 HSE 提出申請、符合相關要求規定，你就有權免費或以較低嘅費用享受一些公共衛生服務。HSE 會根據你遞交嘅資料而去決定你會得到 GP 訪問卡 ( GP Visit Card ) 或者醫療卡 ( Medical Card )。
尋找全科醫生：全科醫生 ( GP ) 係家庭醫生。全科醫生治療常見疾病；他們亦會將病人們轉介到醫院和醫療服務機構接受其他緊急或專科治療。
了解醫療卡👉
免費獲得醫療服務，處方藥和醫院護理。
關於診金：
喺愛爾蘭睇醫生，每個人都要搵一名全科醫生 ( GP ) 登記、註冊自己嘅資料，當呢名醫生成為你嘅家庭醫生之後，你就可以因應你嘅狀態求診並支付診金等費用。現時 GP 服務冇固定收費，每次診金約為 € 50 - € 60，藥費另計。GP Visit Card 訪問卡持有人會免診金，須付全額藥費。而醫療卡持有人則免診金並且藥費只需付少量金額。
如果你喺冇醫生轉介信嘅情況下去醫院急症室求診，而你又冇醫療卡，你就必須先支付 € 100服務費用，另加診金同藥費 ( 如有 )。愛爾蘭嘅醫療費用並唔平，但係如果唔係低收入家庭，係冇可能申請到醫療卡。所以，擁有一份私人醫療保險係必須的。保險公司投保費用，賠償條款及金額各有參差，大家一定要謹慎選擇適合自己嘅醫療保險。
擔心溝通問題 ?
醫院或其他社區衛生機構設有《 緊急多語言援助 Emergency Multilingual Aid 》，喺口頭翻譯員到達之前，可以幫助醫護人員與患者更有效咁溝通。
Comments