• 愛爾蘭有哪些醫療補助？
愛爾蘭醫療有好多種不同類型嘅補助計劃，會覆蓋不同層面，為不同年齡層人仕提供補助 / 免費就能夠得到醫療保障。
計劃有：
> 醫療咭 - GP Visit Card， Medical Card。
> EHIC - 居愛人仕喺任何一個歐洲國家短期逗留訪問期間，如有需要，可以獲得當地醫療保健，並且可以喺返回愛爾蘭後申請退還醫療費用。
> 公平交易計劃 - 有財政壓力嘅家庭 / 人仕可申請財務支持，以幫助支付養老院護理費用。
> 藥物付款計劃 - 為需要長期用藥人仕提供以每月支付不超過 € 114，就可以得到處方藥，藥品和醫護用具。
> 國外治療計劃 - 如果病人無法喺愛爾蘭獲得所需嘅護理，可以申請喺國外治療。
> 長期疾病計劃 - 為某些長期疾病或殘疾嘅人仕提供免費藥品和器具。
> 盲人福利津貼 - 根據盲人或視力障礙者嘅經濟狀況提供定期現金補助。
> 國家彩票補助金 - 向提供健康 / 個人社會服務嘅組織提供資金補助。
• 是否只要係有合法身份定居喺愛爾蘭嘅人仕，就可以自動獲得上述醫療補助？
絕對唔係。所有有需要人仕必須要向 HSE 提出申請，並且需要通過相關要求及審查，才可以獲得補助。
• 咁有冇唔使通過審查就可以免費得到嘅醫療福利？
有。如：孕婦產前檢查，嬰兒保健，兒童免費疫苗注射計劃，小學學生保健計劃，女仕子宮頸抹片檢查，女仕檢查乳房計劃。6 歲以下、70 歲以上免審查可獲得 GP Visit Card。
• 愛爾蘭睇醫生係咪好貴？
係。家庭醫生 GP 會按次收費，每次約 € 30 - € 50。病人需要自行到藥房配藥，藥費另計，每次約 € 10 - € 30。
• 登記唔到個人 GP 或者 GP 已經關門，點算好？
每一個地區都會有 Walk In Clinic 和 24 小時營業醫務所。大家可以透過手機 Google map 查詢到。
• 公立醫院急症室服務如何？
如果病人唔係經由家庭醫生 GP 轉介去醫院睇急診，而係自行直接去急症室求診，一律要付 € 100 基本醫療費用。醫院急症室同港澳一樣，會先為病人分流，再輪候入內。所以如果冇轉介信 / 病情唔嚴重，一等就等數小時係閒事。
• 咁係咪一定要購買私人醫療保險？
不一定要，但會建議購買。
• 購買私人醫療保險時有乜嘢要注意？
保單會以一年時間為投保基礎期，中途取消 / 更改保單需要支付行政費用。投保人亦必須要清楚了解保險保障範圍。 • 除咗小學學生保健計劃外，在學兒童仲有冇其他醫護保障？
有。學校會喺每一個學年開始時、為學生提供校內 / 包括校外嘅意外醫療保險。家長只需支付 €10 - € 20。 子女就可以喺該學年內得到醫護保障。
• 子女喺原居地已經接受過某些疫苗注射，過到愛爾蘭之後，可以點樣跟進？係咪應該繼續接受注射？
請必須爲子女保留疫苗注射記錄並且帶去愛爾蘭。如果可以，先喺原居地向相關衛生部門了解、查詢子女已經接受注射疫苗嘅種類，藥物生產商是誰？當到達愛爾蘭後，子女需要繼續接受疫苗注射時，出示資料畀 HSE 限進。
• 本身有長期病患 / 藥物敏感，應該如何告訴家庭醫生 GP ？
請向原居地醫生 / 曾經就診嘅醫院索取醫療記錄 / 手術報告。為自己及家人製作一張 「 個人病史及過敏藥物清單 」，並於註冊登記 GP 時，交到 GP 手上。
• 是否只要係合法居住喺愛爾蘭就可以自動獲得醫療福利？
Comentários