喺愛爾蘭買屋，個人認為未必一定買新屋。雖然新建房屋 BER 評級高，但因為新屋多建在新發展嘅地段，距離日常生活配套措施多數較遠，而且人人都係新買家，你完全唔會了解到區內有冇唔安全嘅問題。
愛爾蘭舊屋出售價，喺業主擬定嘅底價 ( Asking Price )，有意購買者可根據房屋內部狀況、房屋周邊環境去還價。當然你可以壓價，但遇到優質嘅舊屋，競爭對手往往只會不斷將屋價抬高，到你成功取得 sale agree 時，價格有可能會比 asking price 高出數千、甚至過萬歐元。呢種討價還價嘅買賣方式，往往將舊屋價格抬得過高，最後、造成成交價甚至超過同區嘅新屋樓盤售價。
之前提及：新屋售價為實價，但發展商通常只會提供內部基本裝修如廁所內牆身瓷磚，睡房地板等 ( 按發展商決定 )。買家需要自行向發展商傾談內部設計，如廚櫃、內置家電、客廳地板等。發展商會另外提供代理 / 供應商，為買家作出報價。預計費用大約一萬歐元至兩萬歐元不等。再加上律師費，印花稅，地租地稅等雜費.........想要喺愛爾蘭置業，真係要好好精打細算！
購買舊屋需要注意嘅事項，留待下回再說。 To be continue.......
Comments