喺愛爾蘭，由你睇中一間屋，到你完成交易，你要有心理準備，當中絕對會經歷無數次等待。
舊屋買賣，要由投標 Bidding 開始。當你向地產代理還價時，你有機會會被要求出價至少以五百 / 壹千歐元做起跳單位，競投其間你要與競爭對手互相還價，呢個係一個心理戰術，因為你永遠唔會知道對手嘅底線，千祈唔好諗住開高價大走對方，因為價格越高，其他嘅支出就會相應咁增加。如果你係需要借貸，分分中會因為房屋估價不足，銀行借唔足錢俾你。
當得到業主嘅 Sale agreed 後，你就要同你嘅代表律師溝通，你要向律師提供買屋者嘅證件 Passport , 買屋嘅款項來源 Source of funds , 愛爾蘭住址證明。你需要俾成交價嘅百分之十做大訂 。你嘅代表律師會暫存該款項，直至到相方簽署初步買賣協議時，才會將大訂交給賣力 ( 原業主 ) 嘅代表律師，之後再等待簽署正式合約及支付尾數。( 你需要向你代表律師查明，如果銀行借貸不足，或房屋結構上出現問題，你是否仍然可以取回大訂 ; 取消交易並且不需要付出任何律師行政費用 )。
無論你係借貸買屋，定係現金買家，你需要喺你簽署初步買賣協議之前，聘請一位專業嘅工程師為你將要買嘅房屋做評估 Structural Survey 。你也要分別聘請專業水、電工程人員 Electrical Contractor / Plumber 檢查房屋去水渠、電力等有冇問題。( 此等支出屬於損耗，如你心儀房屋超過一間，你就要好好考慮何時需要聘請專家 )。
如貸款置業，銀行會聘請專業人員評估房屋結構，了解評估報告，了解 BER 報告，先會落實最終借出多少款項。
當你發現房屋有存在問題，( 銀行仍然批出足夠嘅金錢俾你 / 有足夠現金完成交易 )，你可以透過你嘅代表律師，同業主溝通，嘗試要求對方降低成交價，或先修複有問題嘅地方，你們才繼續進行買賣。當然，你亦可選擇放棄交易。
完成咗以上嘅程序、最快都已經用咗兩 / 三個月嘅時間，萬一你遇到不負責任或者好 hea 嘅律師。買賣過程需時可以超過半年。當你俾清尾數，簽好合約，你就可以取得房屋鎖匙。
愛爾蘭房屋分 Freehold 同 Leasehold 。兩者有何分別？
成交後，如何檢視物業是否已經轉名？
如果檢查自己的物業有冇欠地租 / 地稅？
下回再說 To be continue.........
Comments