愛爾蘭有三個主要國際機場 - 都柏林機場 Dublin Airport、科克機場 Cork Airport 和香農機場 Shannon Airport 機場。
作為愛爾蘭首都機場，都柏林機場面積其實不大，機場有兩個航運大樓 Terminal 1 / Terminal 2。旅客可根據自己訂購嘅機票，得到相對指示要到哪一座航運大樓辦理登機、出入境等手續。
Terminal 1 出口外有的士站、汽車出租公司、巴士站等交通公具接駁到達市中心或其他城市。
由於疫情 / 戰爭影響，依家飛去香港 / 澳門 / 回愛爾蘭，大多數要轉機兩次或更多次數。由於過境關員檢查會比較嚴謹，會好仔細咁檢查隨身行李及搜身，萬一遇啱多個航班同時出發 / 抵步，一定會有排長龍嘅情況出現。大家要預鬆啲轉機時間，假如中途轉機時，行李需要提取後再托運，就好大機會會趕唔切搭下一程飛機，所以大家最好選擇乘搭行李可以直掛到目的地嘅航空公司。
分享一下現時由愛爾蘭 ⇆ 澳門可選擇嘅飛行航線，最佳飛行時間為三十小時之內：
澳門國際機場 Macau International Airport ⇆ 新加坡樟宜機場 Singapore Changi Airport ⇆ 德國慕尼黑機場 Germany Munich Franz Josef Strauss / 德國法蘭克福國際機場 Germany Frankfurt International / 法國巴黎戴高樂機場 France Paris Charles De Gaulle / 荷蘭阿姆斯特丹史基浦機場 Netherlands Amsterdam Schiphol ⇆ 愛爾蘭都柏林機場 Ireland Dublin Airport
澳門國際機場 Macau International Airport ⇆ 臺灣桃園國際機場 Taiwan Taoyuan International Airport ⇆ 英國倫敦希斯洛機場 UK London Heathrow Airport / 德國慕尼黑機場 Germany Munich Franz Josef Strauss / 法國巴黎戴高樂機場 France Paris Charles De Gaulle ⇆ 愛爾蘭都柏林機場 Ireland Dublin Airport
( 深色粗字體為主要重點機場，其他顏色為航空公司提供嘅中途接駁航線，航線會因應當時實際情況而更改。)
分享一下我乘搭過嘅航空公司 / 轉機地點體驗：
英國航空 British Airline：
客機坐位相對峽窄、機艙內部不夠清潔，部分設施非常殘舊。希斯路機場海關檢查非常仔細，常常導致轉機時間不夠用。
法國航空 Air France：
有機會俾海關質問為何亞洲臉孔不懂葡文但又有葡籍護照。小心有大罷工影響機位被取消。機艙設施相對較舊。戴高樂機場很大，小心迷路。萬一迷路，一定要主動開口問路，問問題之前最好先用法文交打招呼 ( 你好 Bonjour) 以示專重對方。
荷蘭航空 KLM：
客機坐位相對峽窄。機艙設施相對較舊。機場很大，小心迷路。
德國漢沙航空 Lufthansa：
客機坐位相對峽窄。法蘭克福機場很大，小心迷路。
愛爾蘭航空 Aer Lingus ：
客機坐位相對峽窄。機上並沒有提供免費餐飲。
長榮航空 Eva Air：
客機坐位相對峽窄。機上有提供免費餐飲及小食。機艙內部夠清潔，洗手間內有提供紙杯等用品。注意長榮航空與愛爾蘭航空之間沒有行李直掛服務，行李需要喺中途轉機時提取後再托運。
注意 ⚠ 注意 ⚠ 注意 ⚠
不是所有航空公司都可以提供行李直掛服務，大家訂機票時一定要問清楚。
歐盟各國機場都設有多個安檢區域，大家完成 Check In / 行李寄艙後一定要盡快通過禁區，以免趕唔切上機。
注意進入禁區前需要遵守嘅規矩。
要根據自己嘅國籍選擇相對嘅通道。如果歐盟國籍人仕同非歐盟國籍人仕同行，請一律選擇非歐盟通道過關。
受限制於澳門 / 香港防疫要求，大家一定要透過航空公司直接訂機票，不要使用 Travel Agents App 訂機票。因為 Travel Agents 有好多唔清晰嘅條款限制，如有突發情況出現，可能會損失所有金錢。
Comments