近日睇到好多移民公司重點推介愛爾蘭，不斷強調愛國嘅優點，標榜教育環境、工作機會、醫療福利、生活水平有幾好幾好…...
在此我想說：
唔係百分百真㗎！大家千祈唔好過度美化外國生活！
愛爾蘭人喺教育上有好傳統嘅觀念，學校生活注重節日禮儀，每個年級嘅家長私底下都有互相交流嘅通訊群組，正正就係小圈子活動，你不參與？不太可能吧？參與？又格格不入囉⋯⋯
工作機會...... 如一般打工仔初來步到，未有本地工作經驗，我只能說一句，有工就做住先，唔好揀亦絶對冇得揀！
醫療？愛爾蘭公立醫院醫療費用價格不菲，Waiting List 長期排長龍，所謂嘅福利唔係咁容易就有，你無交稅 ？ 通過唔到入息審查 ？都係乖乖地打開荷包吧！
生活水平低？其實大家都可以了解到呢度嘅物價指數高，尤其喺房屋、交通等方面嘅支出。如果每月做到收支平衡，已經叫做好成功。
咁講到咁差？點解仲會留喺度？
講真，大家過嚟之前，要撫心自問，當你由一個生活咗數十年嘅舒適圈，跳去另一個完全唔了解嘅生活圈，你肯唔肯去重新適應習慣？面對現實困難，接唔接受到？有冇下定決心？勇氣夠唔夠？
唔好相信外國月亮特別圓！
唔好因為唔想留低就話走！
美好生活絕對需要用心經營，
不要隨便放棄亦不要固步自封！
Comentarios