二手車價格豐儉由人，由幾百歐元到幾萬歐元都有，車款任君選擇。但想買自動波車嘅，可能要走多兩轉，先有機會睇到一兩部啱價又啱心水嘅目標。由於汽車保險價錢會受汽車年份，性能等因素影響。如果你買好平嘅車 ( 平車多數好舊，我見過唔少超過三十年嘅車仍喺街上行駛 )，保險會相對地貴。如果加上你係 L 牌或新牌仔，分分鐘冇保險公司受理。
購買二手汽車網頁 :
喺愛爾蘭考車同澳門一樣，有筆試同路試，但只要你完成筆試，攞到 Learner Permit , 就可以開始揸車。聽落都知危險⚠️，喺㗎，所以愛爾蘭政府要求 L 牌司機身邊一定要有一個正牌司機 ( 至少持牌兩年 ) 陪同駕駛，先可以出街。而用 L 牌身份去買汽車保 , 一定要買全保 Comprehensive Policy ，保險公司會因應投保人年齡、性別、國籍、汽車年份、汽車性能等，計算出一份天價嘅保單出嚟，對於喺澳門揸開車嘅我黎講，呢個絕對喺天價，因為我當時用咗三千四百幾歐元，去買我第一份愛爾蘭車保。
*** PS : 如果你持有國際車牌、可以喺愛爾蘭以遊客身份租車揸。但如果你想自己買一架車，請小心考慮，因為九成九冇汽車保險公司會受理。
愛爾蘭保險公司 / 保險中介公司會同時提供汽車保，家居保，甚至醫療保。大家只需要透過上網，提供個人及汽車資料，就可以得到網上即時報價或電話報價。
以下係其中一部分保險公司 :
實用小貼士🌟
如大家遇到啱心水嘅二手汽車，謹記要先記下汽車車牌號碼 Car Registration ，在上網查詢汽車保險報價，了解自己是否可以受保 ? 保費是否合理 ? 再去決定是否購買該車輛。
Comentarios