歐元硬幣共有八種面額：
( 1 cent、2 cent、5 cent、10 cent、20 cent、50 cent；€ 1、€ 2 )
歐元區內使用嘅硬幣一面圖案統一為顯示幣值，而另一面則各自有自己獨特嘅代表圖案，愛爾蘭使用嘅圖案為「豎琴」。
歐元紙幣有兩種系列 ：初版於 2002 年發行；現時已陸續被新版 ( 於 2019 年 5 月 29 日完成發行 ) 取代。
紙幣共有七種面額：( € 5、€ 10、€ 20、€ 50、€ 100、€ 200、€ 500 )，直到 2019 年 4 月26 日以後，歐元區國家中央銀行已經不再發行 €500 紙幣。現有嘅 €500 紙幣仍是法定貨幣，並且可以隨時喺各國國家中央銀行進行兌換。
愛爾蘭市面最流通紙幣為 € 5、€ 10、€ 20、€ 50。
€ 100 以上嘅大額現鈔十分罕見，有些商家甚至拒絕接收。如果你身上持有大面額嘅紙幣，最好先到銀行 / 找換店唱散。
由於 1 cant 和 2 cent 硬幣未被消費者積極使用，愛爾蘭喺收取硬幣上採取「Rounding 政策」。如消費者以「現金」支付總賬單，當中支付金額含有 cent，則需按以下要求付費：
• 尾數為 1 和 2 cent , 將 rounding 為零，唔駛俾。 • 尾數為 3 和 4 cent , 將 rounding 到俾 5 cent。 • 尾數為 6 和 7 cent , 將 rounding 到俾 5 cent。 • 尾數為 8 和 9 cent , 將 rounding 到俾 10 cent。
如果身上有大量硬幣，可以利用喺超級市場購物後、付款時，透過使用自動付款機，投入硬幣付款，咁就唔駛怕硬幣「宅」住個袋。
另外，超級市場外會有硬幣兌換機 Coinstar ，方便大家可以用到硬幣。
댓글