決定舉家移民愛爾蘭，其中一個主要原因，都係希望仔女返學唔駛再好似做「 鴨仔 」咁俾人填。澳門學生哥嘅壓力雖然未及香港，但也「 五十步笑百步 」。咁愛爾蘭教育又點？
愛爾蘭教育制度源自英國。英式教育，港澳一直都用緊，咁其實當中有咩分別？
愛爾蘭教育係 六三二 / 六三三制 ( 六年小學、三年初中、二年高中 / 六年小學、三年初中、一年過渡期 Transition Year , 二年高中 )。
小學 教育著重培養孩子嘅學習興趣、自信心、自我表達能力，並十分重視小孩返學嘅開心程度，與同學仔之間嘅互動。學習課程有英語、愛爾蘭語 Gaeilge , 數學、社會環境與科學、藝術教育、健康常識、體育同宗教。功課會因應年級不同而決定多少，老師會按照相關指引，每日只會俾 15 分鐘至 1 個鐘內可完成嘅功課量，星期五係絕對唔會有功課做㗎。每年學期完結之前，老師會俾學生一份 School Report , Report 內沒有分數，只會顯示學生嘅強項及需要加強嘅地方。
中學教育分 初中 及 高中 教育。教學模式同港澳差唔多，成績以 100 為滿分、40 分為合格。相比分數，老師比較著重學生嘅行為表現。分數絕不會影響升留級、但表現惡劣會被踢出校。根據朋友經驗，初三畢業試 ( Junior Certificate ) 表現唔理想都唔怕 ( 千祈唔好俾仔女知道呀 )。
** 2020 年的初三畢業試 ( Junior Certificate ) The Junior Certificate School Programme 考試費用為 €109。
** 2022 年的初三畢業試 ( Junior Certificate ) The Junior Certificate School Programme 考試費用為 免費。
在初中畢業試階段，英語，愛爾蘭語，數學會考核普通水平 Ordinary Level 或 更高水平 Higher Level 嘅課程，而其他科目就規定考核 Common Level 通用水平。
初中至高中過渡期、學生可以先讀一年過渡年教育 ( Transition Year ) 可自由選擇是否就讀。
Transition Year 係一個為期一年嘅非正式課程。課程著重實踐，當中包括短期工作攞取經驗，係冇書本課程教學，冇功課。你可以話佢係用嚟 hea，但其實佢嘅重點唔係考試，而係俾學生感受生活，提高交際能力，開拓視野。Transition Year 強調發展學生嘅生活同培養在職技能，幫助學生了解自己，對高中選科有莫大幫助。
高中畢業試 ( Leaving Certificate )
學生最少要選取六科去參與高考 ( 當然也可以選擇超過六科 )。考試中所得最高等級 ( Grade ) 嘅前六科會被換算成分數 ( 高考狀元可以獲得最高分為 600 分 )，高中畢業試將會為學生打開通往大學的門檻。
** 2020 年的高中畢業試 ( Leaving Certificate ) 考試費用為 € 116。
** 2022 年的高中畢業試 ( Leaving Certificate ) 考試費用為免費。
喺高中畢業試階段，學科通常會考核普通水平 Ordinary Level 或 更高水平 Higher Level 。 愛爾蘭語 / 數學這兩個科目，可以選擇 Foundation Level 基礎水平。 基礎水平用意旨在滿足那些在普通或高級課程中遇到困難的學生的需求。
了解愛爾蘭教育 :
考試費用表 :
考試時間表 :
Комментарии