唔知係咪因為愛爾蘭四邊環海嘅關係，呢邊寧舍好風，就算留喺室內、都一定聽到風呼呼吹。但係呢邊打風又唔會掛風球、只會按照當時風速有多少而發出天氣警告提醒居民。
颶風 總破壞力分為五個類別 ( 5 Categories ) ，類別一表示颶風較弱，最壞情況係類別五。
Category 1 時速 74 - 94 英里 / 小時：有機會損壞本身結構已經不良嘅建築物 / 路標等等，會吹倒灌木叢，吹斷樹木枝幹，吹散室外沒有固定好嘅物品。社區有機會出現大停電。
Category 2 時速 96 - 110 英里 / 小時：破壞力如上。高層建築物嘅玻璃窗有機會會被吹爆，而停電可能會持續幾天。
Category 3 時速 111 - 129 英里 / 小時：會有破壞性嘅破壞。
Category 4 時速 130 - 156 英里 / 小時：建築物屋頂 / 牆壁會有災難性破壞。
Category 5 時速 156 英里 / 小時：會吹走房屋，將建築物變為平地。
⚠ ⚠ 大家千祈唔好睇少風速指引。風力強大嘅時候，會吹冧唔少樹木，如果勉強外出、分分鐘會受傷。
天氣警告分為三類：
黃色狀態 Yellow Status Weather Alert – Be Aware
黃色級別天氣警報主要提醒身處危險位置 / 環境工作緊嘅人員 / 正在進行戶外活動嘅人仕。通知他們要採取預防措施小心應對當時有威脅嘅天氣。
橙色狀態 Orange Status Weather Warning – Be Prepared
橙色級別天氣警告用於提醒身處受到嚴重天氣影響嘅地區嘅居民。警告所有人仕都應以適當嘅防範方式為預期嘅天氣狀況做好準備。
紅色狀態 Red Status Severe Weather Warning – Take Action
紅色級別天氣警告 ( 比較少出現 )，它意味著所有人仕都應立即採取行動保護自己和財產。如有需要，要暫時離開危險地區 / 留喺室內；要做齊所有可以減輕影響嘅具體措施。
大家可以透過 Met Ireland，查詢愛爾蘭天氣警告 / 預報。
Comentarios