愛爾蘭居民多數會用現金 Cash 或 借記卡 Debit Card 付款消費，兩者付款模式各有利弊。信用卡就會用 Visa 或 Master ，好少用 AE ( American Express )。
如果大家想利用借記卡 Debit Card 付款消費，就要選擇適合自己需要嘅銀行，去開設往來賬戶 Current Account 。不同銀行會有不同嘅指定收費。大多數係按使用次數向客戶收取 ATM 提款手續費；櫃檯服務手續費；拍卡消費手續費；政府印花稅 等等。為咗節省各種手續費，大家一般都會一次過提取足夠日常生活所需嘅現金代替拍卡付款。
Bank of Ireland ( BOI )
個人往來賬戶 Personal Current Account 收費標準 :
由 2020 年 11 月 23 日開始，BOI 取消咗向指定賬戶持有人按使用次數，每季徵收各項交易和管理服務費用。統一改為向每一個帳戶持有人按月收取 € 6 嘅定額費用。只有指定人仕嘅戶口可以獲得豁免 。
AIB Bank ( Allied Irish Bank )
個人往來賬戶 Personal Bank Account 收費標準 :
由 2020 年 11 月 28 日開始，AIB 向所有客戶按每季度 ( 每三個月為一季 ) 徵收 € 4.50 管理費，另外再按使用次數徵收各項交易費用。只有指定人仕嘅戶口可以獲得豁免。
Ulster Bank 屬於英國公司嘅銀行
注意 ⚠ 注意 ⚠ 注意 ⚠
2021 年 2 月，Ulster Bank 宣布分階段撤出其在愛爾蘭共和國境內嘅所有銀行活動和金融服務。
這意味著，Ulster Bank 將在未來幾年內對所有愛爾蘭客戶關閉大門。Ulster Bank 預計將在 2023 年 3 月之前停止與客戶的交易，現在正在致函客戶，要求他們關閉賬戶。如果您收到 Ulster Bank 通知信，要求您關閉您嘅賬戶，您將會有六個月嘅時間轉換或關閉您嘅銀行賬戶。
往來賬戶 Current Account 收費標準 :
每月收取 € 2 管理費，另外再按使用次數徵收各項交易費用 ( 66 歲或以上人仕可以獲得豁免 )。如果帳戶喺每個收費周期內始終保持餘額為 € 3,000 以上，則只需要交 € 2 管理費，不用交各項交易費用。
往來賬戶 Current Account 收費標準 :
TSB 客戶可以開設名為 “ Explore ” 嘅往來賬戶 Current Account，戶口持有人需按月支付 € 6 嘅定額費用。
優惠 Benefit :
客戶可以通過某些交易獲得現金回贈 Go Rewards ( 每次回贈 10 Cent ，每月上限為 € 5， 用自動轉帳 Direct Debit 支付時可獲得 5 ％ 嘅現金回贈 )。
資金管理賬戶 Money Manager Account 收費標準 :
銀行不會收取客戶到櫃檯提取現金或拍卡付款嘅交易費。
政府印花稅 : 使用借記卡到自動櫃員機交易每次收取 € 0.12 政府印花稅。( 政府印花稅僅適用於喺愛爾蘭境內進行嘅 ATM 交易，不包括北愛爾蘭 )。如果只將借記卡用於 ATM 交易，則最高收費為 € 2.50。如果同時使用借記卡進行購物和 ATM 交易，則上限為 € 5。
資金往來賬戶 Money Current Account 收費標準 :
戶口持有人需按月支付 € 5 嘅定額費用。
優惠 Benefit :
客戶可以通過某些交易獲得現金回贈 Our MoneyBack Partners 。
注意 ⚠ 注意 ⚠ 注意 ⚠
KBC 愛爾蘭銀行表示，作為計劃退出愛爾蘭市場嘅一部分，從 2023 年 7 月 15 日起將不再接受所有產品嘅新申請，產品包括經常賬戶、抵押貸款、個人存款、個人貸款、房屋、汽車和人壽保險以及個人信用卡。
標準往來賬戶 Standard Current Account 收費標準 :
如果戶口每日餘額維持 € 2,000 以上，拍卡、Cash Back、戶口自動轉帳繳費、每月指定過數、網上交易和手機銀行交易不收費。只按季收取其他收費用 ：維持賬戶管理費 € 6.00，ATM 現金提取每次 € 0.30，支票存入每張 € 0.30。
資金往來賬戶 Flexible Accounts
收費視乎個人選擇享受不同服務而定。
每月手續費由免費、€ 3.99、€ 8.99、€ 15.99 至 € 45。
客戶可以選擇以 29 + 種貨幣發送和接收資金。週一至週五，每個月可兌換高達 € 1,000 嘅 29 + 種貨幣，無需額外費用。此外，Revolut 戶口之間可以即時轉帳而且免手續費。
Revolut 不是傳統銀行，它為客戶提供不同嘅服務產品；包括儲蓄、投資貨幣、市場基金、連接 eSIM、加密貨幣、股票、旅遊住宿體驗等等。
比較各銀行往來賬戶優劣 :
如果申請人不住在愛爾蘭，該如何開設賬戶？
Bank of Ireland 銀行無需申請人成為愛爾蘭居民也可開設往來賬戶。申請人可以使用銀行嘅應用程式 / 在線服務 / 電話 / 郵寄遞交所需文件，如要遠程開設帳戶，申請人必須要係歐盟成員國嘅居民，並且需要提供兩份身份證明和地址證明。
開設兒童 / 學生流動 / 儲蓄戶口
對於學生和青少年帳戶，每間銀行嘅程序和規則略有不同。 根據申請人嘅年齡，一些銀行會要求父母或監護人先開戶或提供借記卡、簽名擔保。某些銀行接受 11 歲兒童申請開戶，有些則要 13 歲。
生活小 Tips 🌟
• 出糧有機會會出現金，要留意住家附近有冇提供存款功能 ( Lodgement / Lodge ) 嘅提款機，可以避免攜帶大量現金喺身。
• 盡量唔好跨行使用提款機（ 例如 : AIB 借記卡用 BOI ATM 機 ），因為可能會有額外手續費。
• 去超市購物時，如用借記卡 Debit Card 付款，可以要求出納員 Cash Back，佢會直接幫你做一個喺你戶口提款嘅動作，咁你就可以慳返一次手續費支出。
• 以現時嘅服務嚟講，歐盟護照持有人首選使用 AIB 開戶口最方便。
• 為指定年齡嘅兒童開設儲蓄戶口，存款利息比較高。
• 某些銀行嘅學生往來賬戶 ( 指定年齡 )，不會收取各項交易費、管理服務費和政府印花稅。
Comments