常見家用供應暖氣系統 Heating System / 熱水系統 Hot Water System 有三種：
銅熱水缸 Copper Hot Water Cylinder
> 銅熱水缸使用什麼能源運作 ? 費用貴嗎 ?
使用電力運作。貴 ，因為電費貴。
> 如何令冷水變成熱水 ?
銅製熱水缸內有一個條管 (( Immersion Heaters 浸入式加熱器 ))。當使用電力打開銅熱水缸系統時，管會經由鍋爐加熱。間接加熱缸中儲存嘅水，最後令冷水變成熱水。
> 銅熱水缸供應熱水去邊 ? 打開後室內會有暖氣嗎 ?
銅熱水缸可供應熱水到室內所有熱水龍頭。但不一定會使室內暖板發熱，要視乎供暖氣系統本身如何設計。
> 銅熱水缸襟唔襟用 ?
銅熱水缸通常可以使用約 30 年。 但如果安裝過程出錯 ( 如線路接駁錯漏 )，零件損耗 ( 如硬水變酸侵蝕浸入式加熱器、或使銅熱水缸破損出現裂痕 ) ，則會縮短使用期。
> 點樣知道銅熱水缸有破損？無法正常運作，如何處理 ?
要觀察銅熱水缸表面有無水珠 ? 乾定濕 ? 有無漏水 ? 出水位置以及漏水嚴重程度。如果一打開電源就跳保險絲 ( Tripping Fuse )，就可能係浸入式加熱器已經破損，此時已經無法正常運作，要立即聯絡水管工 ( Plumber ) 上門維修。
> 點樣保養銅熱水缸 ?
每次需要熱水之前，提前半小時至一小時打開電源，已經會有足夠熱水供刷牙洗臉。如需要較多熱水，開啟銅熱水缸兩至三小時，但千祈唔好長時間開啟銅熱水缸。
鍋爐 Boiler - 電鍋爐 Electric Boiler / 燃氣鍋爐 Gas Boiler
> 鍋爐使用什麼能源運作 ? 費用貴嗎 ?
電鍋爐將電力用作燃料，將電能轉化為熱量，以提供暖氣和熱水。貴 ，因為電費貴。
燃氣鍋爐使用燃燒天然氣產生嘅熱量，然後通過通風系統運作，以提供暖氣和熱水。貴 ，但燃氣費比電費平。
> 如何令冷水變成熱水 ?
鍋爐係一種含水容器，主要透過將燃料 ( 電力，天然氣 ) 轉化為成蒸汽 ( 熱量 ) ，然後通過管道輸送到內部設備，再進行消毒，清潔等運作。此過程中釋放嘅能量，足以將蒸汽轉換為熱水，供應到室內所有熱水龍頭以及流入暖板使其發熱。
> 鍋爐供應熱水去邊 ? 打開後室內會有暖氣嗎 ?
鍋爐可供應熱水到室內所有暖板和熱水龍頭。用戶亦可通過調教控制按扭，自行決定使室內暖板發熱 / 供應熱水到水龍頭 / 兩者同時進行。
> 鍋爐襟唔襟用 ?
鍋爐平均可以使用 10 年至 15 年。 為確保鍋爐襟用，用戶應每年聯絡供應商上門做保養。
> 鍋爐無法正常運作？如何處理 ?
有多種原因可導致鍋爐無法正常運作；常見例子包括停電，供氣停止，鍋爐壓力太低或太高，指示燈故障，冷凝水管結冰，內部組件故障或更複雜嘅問題。如鍋爐不能運作，先立即檢查是否能源供應出現問題。如果唔係，應立即聯絡供應商上門維修。
> 點樣保養鍋爐 ?
如果唔了解操作，不要私自隨便改變鍋爐任何設定。每年聯絡供應商上門做定期保養。另外，鍋爐可以透過設置時間制自動運作。大家要善用此功能，一來可以減少鍋爐損耗，二來可以慳錢。
空氣對水熱泵 Air to Water Heat Pumps
空氣對水熱泵系統有兩種：
分體式熱泵 ( 室內有一個熱水缸儲水 ) 和單體式熱泵 ( 只提供暖氣 ) 。
> 空氣對水熱泵使用什麼能源運作 ? 費用貴嗎 ?
新建住宅多採用分體式空氣對水熱泵系統，空氣對水熱泵利用電力運作。與燃油鍋爐系統相比，空氣對水熱泵可節省高達 70% 嘅成本，空氣對水熱泵費用係三種供暖氣系統 / 熱水系統中最便宜。
> 如何令冷水變成熱水 ?
空氣源熱泵喺低溫下將外部空氣中嘅熱量吸收到液態製冷劑中。
泵使用電力壓縮液體以提高其溫度。然後它凝結回液體以釋放其儲存嘅熱量。
> 空氣對水熱泵供應熱水去邊 ? 打開後室內會有暖氣嗎 ?
打開空氣對水熱泵系統後，熱量會被發送到散熱器或地板，為房屋提供暖氣、地暖 ( 如有安裝 ) ，而熱水則會存放喺熱水瓶中，為花灑、浴缸和水龍頭提供熱水。
> 空氣對水熱泵襟唔襟用 ?
正常使用可以使用長達 20 年 至 25 年。室外氣溫低至 -20°C 仍然可以正常運作。
> 空氣對水熱泵無法正常運作？如何處理 ?
可嘗試重啟 Reboot 系統，如仍然無法正常運作，請立即聯絡專業人員上門檢查。
喺大多數情況下， 壓縮機會係第一個出現故障嘅組件。尤其係喺使用第五年之後。更換壓縮機的成本太高，如果可以，最好選擇更換熱泵代替。
> 點樣保養空氣對水熱泵 ?
室外機應安裝喺遠離建築物嘅地方，並且保持足夠嘅空間。機身不應被植物或樹木覆蓋，亦不可以有樹葉 / 枯枝掉落喺設備上。
為了更好地延長熱泵嘅預期壽命，應考慮每年至少讓合格嘅專業人員進行一次保養。如果每年可以做兩次保養，咁會更好、更安全。
Comments