愛爾蘭建築法規定：所有建築物必須按照指定標準，安裝火災 ( 煙霧 ) 探測器 Fire ( Smoke ) Detection 和警報系統 Alarm System，並且需要定期對其進行測試，維護和保養，以確保所有系統能夠完整地發揮其功能。
火災 ( 煙霧 ) 探測器 Fire Detection：
火災 ( 煙霧 ) 探測器 Fire ( Smoke ) Detection 多數安裝喺室內走廊天花，廚房天花等位置。當室內煙霧達到某一濃度時，探測器就會自動發出巨響警報。
當煙霧探測器發出巨響 / 無緣無故地發出嗶嗶聲，如何停止響聲 / 重置系統 ?
最快捷嘅方法：按住 Reset 重置制十秒後放開就可以了。
如 Reset 後仍然發出嗶嗶聲，可試試更換電池。
如更換電池後仍然發出嗶嗶聲，就有可能係探測器經已老化，此時需要聯絡保安系統公司安排專人上門維修 / 更換。
停止響聲 / 重置系統舉例短片： ( ⚠ ⚠ 注意：如不確定如何中止電源，請不要強行操作 !!! )
基本防盜警報系統 Alarm System：
通常係由一個配備有後備電池 Mains powered detectors with battery backup 嘅主控板 Control Panel ，連接線路到安裝喺室內各房間門窗位置嘅獨立電源檢測器 ( 感應器 Sensors ) 組成，由於主控板與獨立電源檢測器相互有關聯，所以只要其中一個感應器被觸動 ( 即如有人試圖強行打開門窗 )，整個警報系統就會立即發出巨響。
如何開 / 關警報系統 ?
屋主可以利用安裝於室內接近大門位置嘅溝通器 Communicator，透過自設密碼打開 / 關閉警報系統，亦可設定晚間防盜，進行測試系統等操作。
開 / 關警報系統操作舉例短片： ( ⚠ ⚠ 注意：不同警報系統有不同操作 !!! )
加強警報系統：
屋主可以自由選擇市面嘅防盜系統供應商 ( ⚠ ⚠ 注意：供應商進行安裝工作，維修等程序都必須獲得 PSA 許可 ) ，支付一次性安裝費用更新防盜警報系統，另外亦需要每月支付 € 35 或以上嘅服務費，用作維護家居防盜系統。
可按此處查詢 Private Security Authority 許可。
新防盜警報系統有什麼功能？
新一代防盜警報系統已經由需要線路接駁改為無線警報系統 Wireless Alarm System，無線警報系統可減少安裝時間，亦可去除因線路老化而產生嘅警報誤鳴，感應器失去功效等情況。
某些供應商會附送無線運動傳感器 ( PIRS ) Wireless Motion Sensors ( PIRS )，可以針對某個指定位置作出即時偵測功能。
Pet friendly 功能：無線運動傳感器會透過數字算法分辨人體運動，忽略高達 50 厘米高和 20公斤重嘅寵物。從而令到寵物可以喺唔觸發警報嘅情況下，喺室內自由活動。
新一代防盜警報系統加設 Android 或 iPhone APP 控制開 / 關閉警報系統，接收警報等功能。 方便遠距離，甚至乎海外，亦可注意到家居是否安全。
提供全天 24 小時 / 365天緊急服務，客戶服務和技術支持服務。
Comentários