如要為家居更換 / 增添新式防盜警報系統，其實都幾重皮 ( 開支增加 )，除咗要俾首次安裝費用之外，仲要每月準備一筆款項支付服務費，再加上每年一次定期檢查、保養費用，一年支出可高達 € 700 甚至 € 1,000 以上 ( 費用按照房屋大小、防盜設備數量而有所加減 )。
收費參考資料：
有無其他防盜設備可以取代新式警報系統 ？加強住宅嘅保安？
咁梗係有啦 !!!
為家居增添閉路電視攝像機 CCTV Camera
大家可以按照自己嘅需要去 DIY 安裝高清攝錄鏡頭，常見安裝位置有：大門按門鈴 Video Doorbell、正門門窗 - 鏡頭面向前花園 / 側門入口 - 鏡頭面向走廊通往自家後園通道，室內各區域，室內後門窗臺 - 鏡頭面向後花園等等。
安裝閉路電視攝像機嘅好處：
• DIY 安裝可節省成本，省卻每月支付服務費、專人上門做定期保養維修等費用。
• 可以喺原居地自由選擇，提前購買自己相信嘅品牌，一來品質有保證，二來費用一定比喺愛爾蘭買嘅平。
• 有實時播放現場環境，記錄儲存畫面，用手機程式 App 即時收看、回看等功能。
• 為家居保安提供多一重保障。
安裝閉路電視攝像機需要注意事項：
愛爾蘭數據保護委員會 Data Protection Commission ( DPC ) 一直都有收到大量關於 CCTV 喺屋苑範圍內 ( 通常係住宅外公用場所 ) 運作嘅投訴。喺某些情況下，如投訴涉及鄰居之間嘅廣泛爭議，DPC 就會根據個人數據處理法去解決問題。
所以大家要謹記，如不想受到數據保護法律嘅約束 ( 要獲得家居豁免權 )，安裝家用閉路電視時，鏡頭 / 記錄畫面就只能夠拍攝 / 捕獲位於房屋外屬於自家花園 / 車位範圍內出現嘅任何人嘅圖像和聲音。
如果唔遵守數據保護法，會有什麼後果？
如 DPC 接獲有關投訴，就會對違反者採取法律行動，違反者必須向所有受到任何影響嘅鄰居或公眾（ 包括路人 ）作出損害賠償。另外，違反者亦需要繳交罰款以及被要求即時停止使用任何 CCTV 系統。
Σχόλια