愛爾蘭房屋 ( 平房屋 House ) 屋外圍欄矮小。正面大門沒有鐵閘。側門高度不高、門鎖形同虛設。所有窗框都沒有窗花花籠。由街道上一眼望過去，好容易就可以睇清睇楚每家每戶，其實可以話係十分開揚。如行近房屋，甚至乎可以好輕易咁一探屋內情況，私隱度真係極低。咁要如何防止盜賊光顧？
提高私隱度
如自置物業前門有空地，可以選擇種植常綠灌木如：黃楊灌木叢 Boxwood shrubs 、海桐花 Pittosporum Tenuifolium 等作為屏風，阻擋屋外路人嘅視線。亦可選擇種植帶刺植物如：玫瑰 Rose、黑莓樹 Blackberry、火棘樹 Firethorn ( Pyracantha ) 等加強防盜作用。
後院與鄰居邊界 Boundaries 多以木柵欄 Wooden Fence / 木材 Timber 作為隔離牆，如果想加強防風效果以及耐用度，可以選擇以石圍牆 Stone Wall 代替。另外，亦可選擇種植爬藤類植物 Climbing Plants 如：常春藤 Ivy 、五葉地錦 Virginia creeper、紫藤 Wisteria 等遮掩圍牆以增加美觀感。
⚠ ⚠ 注意：
需要許可？
雖然業主擁有自置土地 / 物業嘅主導權，但如要改變土地原有設計外觀、加建 / 減少任何項目，都要先向當地縣議會了解是否需要申請變更許可。( 愛爾蘭內各地區均有獨立縣議會負責指定位置，大家千祈唔好睇錯 )
參考資料： South Dublin County Council 區
參考資料： Limerick County Council 區
房屋邊界？
留意自己與鄰居嘅邊界，尤其係當需要維修 / 保養共用圍牆 / 圍欄，修剪樹木時，一定要先同鄰居溝通清楚，邊一方需要付責任。如果唔清楚自己房屋嘅邊界範圍，可按此查詢。
Comments