要係愛爾蘭開始生活（包括工作、讀書、考車、報稅、領取福利) ，唔理你係咪葡籍，如果你無 PPSN ，Sorry，你仲未真正係愛爾蘭常住居民（愛爾蘭常住居民定義係：在愛爾蘭定居一年以上）。
咁點樣申請 PPSN？
葡籍人仕申請 PPSN ，要提供愛爾蘭住址證明、護照及申請理由（例如：考愛爾蘭車牌），置業或者工作，公司幫你申請 PPSN 報稅。小朋友讀書也要 PPSN ，用返學嘅理由就可以申請。
咁無葡籍點申請？當然，如果你用澳門（ 香港 ）特區護照入境，作為遊客身份，你最長只係可以留愛 90 日。所以，你必須喺 90 日之內（ 或入愛爾蘭時入境印上批准逗留嘅有效日期內 ），向愛爾蘭移民局遞交申請居留表格（ 咁梗係行駛 EU Treaty Rights 權利，填 Form EU1 啦 ），記住必須最遲喺 90 日內寄出表格，咁急？暫時提供唔到所需資料？唔緊要，只要表格一寄出（ 用掛號郵寄，有收據有保障 ），你已經有權利留在愛爾蘭生活（ Base on EU Treaty Rights，愛爾蘭政府不可以將你逐出境，你屬於合法逗留 ）。
現在你需要做嘅事，就係一邊等待回信，一邊繼續準備好所有所需文件。通常你會在兩星期內收到回覆，回覆內容一定會要求你提供補充資料。如是這，信件來來回回數次，直至你交足資料，符合申請資格，你就會獲得臨時 Visa，批准你延長居留期直至 Stamp 4EUFAM 批出。現在，你可以去申請 PPSN 啦。
💥P.S. 💥 :
強調建議你先詳細了解申請 Stamp4 EUFAM 所需文件，有些文件必需要喺入境愛爾蘭之前準備好。
Comments