澳門巴士服務一般，綠巴司機有 D 又好似賽車手上身，但仍幸有政府津貼，用澳門通搭巴士收費仍尚可接受。而且澳門地方細，巴士路線覆蓋面高、都算叫做到點對點服務。
咁愛爾蘭呢？以都柏林為例，主要巴士公司有 Dublin Bus ，Go-Ahead 等。另有 Airlink Express ，Aircoach 提供機場與市中心直接往來服務。Bus Éireann 和 Dublin Coach 則主要提供通往其他市鎮 / 城市服務。
喺都柏林搭巴士，看似方便，但其實當你親身體驗時，你會發現，點解 D 巴士好似全部都必需要經過都柏林市中心？甚至乎係只以市中心為起點 / 終點。
唔明？簡單 D 說明一下，如果都柏林市中心為 A 點、我家社區為 B 點、你家社區為 C 點，巴士服務就只有 B 到 A 到 C 或者 B 到 A 或者 C 到 A ( 好彩係有回程車 )，但沒有 B 到 C...…想由我家社區直接去到你家社區？自駕或搭的士吧。
巴士收費會按照你坐嘅站數而定價。如果使用 Leap card，會比用現金平。成人收費最少要 € 1.30。如果你用現金搭車，記得預先準備好散紙，因為不設找贖，但司機會列印一張收據比你去退回比多嘅車費。但退款手續煩複，都係算把啦。
Comments