空氣品質日漸變差，住喺港澳地區嘅大家，有冇發覺個天成日灰濛濛一片。真係出街抖啖氣都辛苦過人。
愛爾蘭空氣到底有幾好？記得我初到愛境，一出機場就聞到一陣「 草腥味 」，係清新嗰隻。愛爾蘭有個別名叫做「 翡翠島 • Emerald Isle 」，由高空俯瞰整個愛爾蘭，你會發現土地有九成面積係被綠色覆蓋著。Do you believe ? 愛爾蘭土地上有四十種不同嘅綠色。
雖然愛爾蘭係藍天白雲加青草綠地，但其實呢道嘅「 綠色 」生活指數並未完全達到歐盟標準。2015 年，愛爾蘭嘅 ** PM 2.5 排放量，只係歐盟成員國中排名第 11 低。
** Particulate Matter ( PM ) 2.5 空氣中嘅懸浮微粒，能夠喺大氣中停留好長時間，並可隨呼吸進入體內，積聚在氣管或肺中，影響身體健康，係會引致人類提早死亡嘅最嚴重污染物。
圖中顯示指定監測站收集嘅平均顆粒物和氣體讀數。監測站全天定期記錄測量結果。大家可以選擇指定日期範圍嚟查看隨時間改變，級別有咩變化。
愛爾蘭政府制定 國家環境空氣質量網絡 National Ambient Air Quality Network
該網絡由 EPA ( Environmental Protection Agency 環境保護署 ) 與地方當局合作負責管理，並根據《 歐洲 2011 年空氣質量標準法規 》、《 2009 年空氣 / 環境空氣管理條例 》以及世界衛生組織 WHO 標準，透過遍布全國嘅空氣質量監測站，收集各區空氣質量數據，進行評估。
公眾可以喺 Air Quality Ireland 獲取相關公共信息，查看即時愛爾蘭各地區嘅環境空氣質量。
Comments