實不相瞞，身為澳門人嘅我，從來都唔知澳門法定成年人到底喺幾多歲….18 歲？但係入賭場要夠 21 歲喎….
我覺得個答案其實都唔重要，我認為澳門人要禁止進入賭場先啱。（當然返工除外）
唔理澳門咁多啦，既然人都過咗嚟愛爾蘭，咁不如分享一下關於愛爾蘭嘅年齡權限啦，有啲規矩都真係幾意想不到。
兒童從 4 歲起即可上小學。但係如果要上中學，佢哋必須喺第一學年嘅 1 月 1 日或之前年滿 12 歲…. 兩者相差 8 年時間喎！
年齡為 6 歲至 16 歲必須返學。（或 18 歲以下兒童至少完成初中課程）、唔返家長會俾教育署告㗎。
16 歲可以考電單車牌 （ 125 cc 以下 ）。夠唔夠力搬架車㗎？
17 歲可以考私家車牌。（ 8 人坐位、車輛重 3500 kg 以下 ）
18 歲先可以用自己名義訂機票或訂假期。
未滿 18 歲、唔可以喺車內吸煙，假如同車乘客細過 18 歲，同車成年人都唔可以吸煙。
某啲品種嘅狗喺公共場合必須由 16 歲以上嘅人拉著。
必須年滿 18 歲先可以做牙齒美白。
必須年滿 18 歲才能使用日光浴床。
18 歲可加入成為愛爾蘭警察。
如果您是愛爾蘭嘅普通居民，則年滿 18 歲先可以結婚。
如果得到父母同意，可以喺 16 歲時離開家庭。夠 18 歲無需父母同意就可以離開家庭。
但係，父母必須撫養受扶養子女。受扶養子女是指下列兒童：未滿 18 歲或年滿 18 歲且未滿 23 歲，但仍在接受全日制教育。
承擔刑事責任年齡為 12 歲。這意味著未夠 12 歲嘅兒童不能被指控犯罪。
如果 14 歲以下兒童被指控犯罪，未經檢察長同意，不得採取進一步訴訟。
未年滿 18 歲無權投票。
未滿 18 歲購買酒精或由他人為您購買酒精均屬違法，但喺私人住宅中且有其他人陪同之下例外。
兒童喺父母或監護人嘅陪同下可以喺酒吧內逗留至晚上 9 點（5 月至 9 月為晚上 10 點）。
未滿 18 歲不能購買樂透彩票或投注。
18 歲以下兒童護照有效期為 5 年。18 歲以上護照有效期為 10 年。
做保姆沒有法定最低年齡。
紋身或者釘環係冇年齡限制。
僱主不可以聘請 16 歲以下兒童做長工。但係 14 歲、15 歲兒童可以喺學校假期期間返輕鬆嘅工。15 歲嘅兒童可以喺學期內每週做 8 小時輕鬆工作。16 歲和 17 歲兒童每週最長工作時間為 40 小時，每天最多工作 8 小時。
仲有好多年齡規矩，想知可以查看 Children and rights in Ireland
Comments