從由有移居愛爾蘭呢個想法開始，以及之後為移居之路着手準備時，我堅持唔將自己及家人與原居地一刀切，所有決策都會按照一家人所需要嘅，留下兩手準備，留待將來一家人容易進退。
深知仔女長大後，他們會各自有一片天，為人父母者，能夠給予最多嘅選擇俾仔女，已經足矣⋯⋯
有關出走愛爾蘭嘅前期準備工作，我有以下分享：
• 注意各種證件嘅有效日期，無論係居民身份證，車牌，定係各種護照，都必須按時續期，反正必定有用得着嘅時候。證件當然一定要攜帶喺身旁。
• 一定要保留原居地嘅地址證明，一個有效嘅銀行流動戶口，至少一張信用卡，以及一個原居地嘅聯絡電話號碼。
• 如在原居地一直有購買人壽、醫療保險，要保留，直至定居愛爾蘭，待一切順利後，先好再作安排。
• 完成所有自動轉賬申請，以支付經常性開支；領取所有應得嘅收入，妥善管理及安排個人財務。
• 為仔女喺原居地開設銀行戶口，定期存款。
• 所有有關文件一定要妥善保管，如有需要，可寫下 / 用電腦做文書紀錄。
• 在原居地保留一個保險箱，放置貴重物品。
• 與居住喺原居地嘅家人及朋友保持聯絡。大家互有溝通係好重要嘅。
Comments