近排日子過得非常充實，因為報讀咗兩個廚藝課程，另外亦返緊兩份兼職。
就咁睇以為好忙，其實我係有好充分嘅休息時間。
兩份兼職都係由早上開始，每日只要返三至五個鐘頭工。下午開始就係完全屬於自己嘅自由時間。而返學亦都集中喺一日內完成兩個課堂。
總結嚟講：
我每週工作約廿個小時，
返學五個半小時，
有兩日休假另加每日下午後自由活動。
有入息之餘又得到私人時間，
係真真正正嘅 Work Life Balance 。
𠲖，計－計條數，其實我每個禮拜只係用咗唔夠一日嘅時間去搵食，其餘嘅時間都係享受。如果咁樣都話唔好，咁真係唔知點先為之好。
Comments