正當愛爾蘭本土有心人仕喺度努力爭取緊高考生可以用繁體字應考之際，我亦埋頭苦幹，睇吓點樣可以喺日常生活之中，俾仔女接觸多啲繁體字。
提起學習中文，話說愛爾蘭 ( 其實有大部分國家都係一樣 ) 只有單一選擇，就係只會以簡體字作為書寫文字。愛爾蘭現時無論係政府官方網頁翻譯，定係私人華人社團 / 媒體溝通，書寫上都係清一色只用簡體字。如我哋有需要學習書寫繁體字，基本上喺愛爾蘭內真係零資源。
既然喺本地揾唔到任何協助工具，咁我唯有借助自己家鄉嘅惠民措施。
澳門文化局屬下嘅 《 澳門公共圖書館 》設有網頁版，內有 「 讀書館 udn Library」可以為澳門巿民提供網上閱讀圖書，下載電子圖書、電子雜誌等免費服務，所有內容均有繁體字可供選擇。只要大家喺澳門任何一間圖書館辦理好申請讀者證手續，就可以開通網上戶口，隨時使用手機，平板電腦，電腦瀏覽並且借閱自己想睇嘅圖書，就算我哋人在海外，只要喺想好好咁學習 / 加強 / 鞏固自己嘅閲讀 / 書寫繁體字嘅能力，亦都可以隨時隨地進行，不會再受到任何限制。
香港公共圖書館網上讀者登記服務，可按此查詢。
Comments