你問我答 Part Two

你問：愛爾蘭買降血壓藥係咪唔可以就咁喺藥房配？一定要睇左醫生先？我未有登記全科醫生 General Practitioners - GP，可以點做？

我答：買藥時藥房話要處方 Prescription，即係要有醫生處方先買到藥物，咁就一定要睇咗醫生先。如果未有 GP，可以去睇 Walk in 診所 Walk in Clinic，叫醫生檢查後再開處方。

你問：請問現在葡藉人仕想移民愛爾蘭是不是不用申請？有沒有移民手續？以你所知，葡藉人仕需唔需要搵啲移民公司顧問幫手？

我答：葡藉人仕想移民愛爾蘭一直都沒有移民手續，買張機票 + 有錢生活，就可以直接過嚟。絕對唔使搵移民顧問，唔好嘥錢。

你問：請問有沒有葡藉移民愛爾蘭嘅流程或介紹？

你問：應該在什麼月份過來, 才能配合小學生嘅入學申請？那區學校比較好？是否多教派 Multi-denominational 小學比較可取？

我答：呢邊學校每年 10 月就開始招新生，到時你就要電郵 email 學校搵定學位。如果你要過嚟，暑假 6 月 / 7 月過嚟就最好。如果想子女入讀 Multi-denominational，你可以考慮下 Educate Together 嘅學校，另外普通公立學校都可以，其實最主要都係睇吓嗰個社區是否安全。