你問：愛爾蘭疫情到底係點？確診人數又唔再每日公佈，但係外國人又好似唔多緊張咁，其實係咪真係咁安全？
我答：其實真係無想像中咁危險，外國地方大而且人口唔稠密，就算外國人出街唔再戴口罩，只要我哋自己做足防禦措施，避開人流高峰期，都可以有效咁保護自己。我覺得政府每日公佈確診人數只會增加大家嘅心理壓力，對大家並沒有正面嘅影響。現時最緊要係保持強健嘅體魄，注重身心健康，咁就算不幸感染病毒，亦都可以打勝仗。
你問：我伴侶 / 配偶憑工作簽證 General working permits 來到愛爾蘭，我也想來愛爾蘭和他一起居住，可以嗎？
我答：可以，愛爾蘭政府有提供簽證俾勞工嘅家屬，只要你哋能夠滿足申請要求，無論你手持任何國家嘅護照都可以申請。詳情可參閱 Employment permits and family members 。
你問：想問下而加澳門人去愛爾蘭係唔係可以直接去架？如果係當係旅行咁去兩個月可唔可以？
我答：如果當係旅行，手持葡國護照或特區護照都可以，不用另外申請簽證。
你問：愛爾蘭工作報足稅會否容易啲按揭買樓？
我答：如果想問銀行借錢買樓，稅當然要報足，但亦不會容易啲做按揭 ( 貸款 )。通常銀行借貸額係年薪收入嘅三倍。銀行會根據你嘅銀行出入數，現金流，信用度等去決定是否願意借錢同貸款額有多少。
你問：我手持葡國護照想移民去愛爾蘭，但家人都仲舉旗不定，我想問如果我出發先，咁日後我仍然可以用 EU right 申請佢哋入境嗎？
我答：可以。你有葡籍幾時入境都冇問題。只要 EU Treaty Rights 法例仍未更改，你嘅非歐盟家屬都可以行使佢哋嘅居留權利。但係你要留意一點，如果你哋暫時分開兩地生活，你係一定要繼續支持你家人喺澳門嘅生活開支，例如定期過錢俾佢哋做生活費，幫佢哋交水費電費等等。因為日後如果佢哋過愛，想申請簽證，移民局會問你呢樣嘢。你可以預先睇吓簽證申請表格，了解吓你需要提交乜嘢文件。
你問：幾時先係過愛爾蘭嘅最好時機？
我答：如果有葡籍又想向外闖，我會認為「現在」就係最好嘅時機。我絕對認為如果決定咗要做一件事，識得打鐵襯熱係好重要。
你問：我不是太有錢，如果一般四人家庭應該要有幾錢先可以過到嚟愛爾蘭？
我答：如果你哋一家人都係葡籍，你首先要留意愛爾蘭啲屋價係幾錢，你至少要買得起一間合適嘅屋，長遠嚟講，一定係買屋先化算，因為呢邊租金太貴。另外，要準備資金足夠一家人生活至少一年。至於工作，可以入到嚟先慢慢搵。如果你習慣生活要方便，就要有心理準備，要用時間去適應愛爾蘭嘅生活。
你問：想了解愛爾蘭會不會有寄宿家庭？
我答：有，寄宿家庭資料可參閱：
未有想過要替屋企人交雜費費用添 除了支援關心 原來又多咗一層實際的意義👍👍👍 又長知識了🙏🙏
咁即係話要搵一個戶口的轉帳支付紀錄 唔知香港的戶口轉帳承接唔接受呢?如果香港的戶口就比較易辦。