你問：我嘅仔女係葡籍，如果我送我仔女到愛爾蘭讀書，我留在澳門搵錢，咁樣仔女自己喺愛爾蘭生活足夠5年之後，係咪可以申請加入愛爾蘭國籍？
我答：關於入籍申請要求，你要注意以下幾點：
未足 18 歲且未婚者喺唔可以用獨立人身份申請入籍。
當子女足 18 歲，如果佢哋以成年人身份提出申請，就必須要符合成年人申請嘅要求，必須能夠交出一切所需文件，除非子女過去一直都係自己供自己讀書 / 生活，否則，如過去一直依賴父母嘅支援去生活，就一定要清楚列明所有 ( 如交學費，生活開支等 ) 俾移民局知道。
注意⚠️就算申請人完全符合申請資格，交齊所有文件；都未必可以絶對成功，因為移民局有最終決定權。
你問：投資移民到愛爾蘭，係咪真係唔使坐移民監就可以攞到愛爾蘭護照？
我答：根據現時政策，投資移民 人仕如果申請成功，即可以得到 Stamp 4 簽證，可以喺愛爾蘭合法工作並獲得等同本地人嘅資格去讀書，而投資移民人仕亦可選擇每年只逗留愛爾蘭一天，直到第 5 年後提出永居申請。但係要 注意 ⚠️‼️‼️ 就算得到永居身份都並不等於擁有愛爾蘭國籍，永居身份係唔會有愛爾蘭護照！如果要得到愛爾蘭國籍，就必須要符合申請入籍嘅一切要求。而最最最重要 ‼️ 嘅注意事項係，如果只留子女單獨留愛讀書，情況就等同第一條問題嘅葡籍人仕子女一樣，就算申請人完全符合資格，交齊所有文件都未必可以絶對成功，因為移民局有最終決定權。
你問：如果我夫婦倆人只有一人工作？我應該如何去滿足申請入籍時所需要嘅 150 分居住證明要求？
我答：由於每個申請人都需要各自獨立提供每一個居住年有足夠 150 分嘅證明。所以我會建議你從第一年開始由儲文件去入手，例如：開設夫婦二人聯名嘅銀行戶口。分開名去註冊家中開支帳單，如用咗夫名登記交電 gas 費，另外就用妻名交 TV License ， 各自考取車牌，如果係自置物業，可使用妻子名字登記支付每年地稅。你要根據各種事項嘅相對得分去分配二人嘅持有文件，務求二人每年都能夠同時得到 150 分。
Σχόλια