你問：我配偶同子女有葡籍，而我沒有。如一家想移民愛爾蘭，我是否符合居留資格？換言之，我是否可以隨同配偶一起移居愛爾蘭？有沒有甚麼限制？
我答：你絕對符合申請居留嘅資格，你可以利用 EU Treaty Rights ，隨時一家人一齊入境愛爾蘭，申請你嘅合法定居簽證。當你們入境後，你哋要喺指定時間內遞交申請表，喺交表之後，等待簽證結果之前，你都不可以工作。當未得到任何回覆 / 未得到臨時居留許可之前，不建議離境。另外，你們不能領取任何政府福利，但可以申請兒童福利。當你成功申請到簽證，如果你和你嘅配偶任何一人離開愛爾蘭，想做太空人，都絕對會影響你嘅居留權同影響日後一家人申請加入愛爾蘭國籍嘅居住證據。
你問：EU 子女中四才到愛爾蘭讀書，可享有大學免費？
我答：不一定可以。因為未成年人，沒有工作，沒有成為愛爾蘭納稅人，係唔會符合申請大學免費學費嘅要求。如果想要得到大學免費，係需要家長 / 申請人 ( 已成年嘅學生自己符合資格 ) 去申請。而申請係要通過審查，家長 / 成年學生首先要喺愛爾蘭有工作，有納稅，先會符合申請嘅基本要求。只有通過咗審查，同時申請時符合居留時間要求，先可以得到相應嘅大學學費豁免。可查看網站 https://susi.ie/ 了解申請要求。如果 EU 子女中四獨自過愛爾蘭開始就學，極其量只會符合繳交歐盟學生學費嘅資格。注意 ⚠，大學如何收費，係以佢哋最終決定為準。
你問：想了解有關到愛爾蘭升學，因為在澳門幾乎找不到愛爾蘭升學咨詢，所以想請教一下，我的兒子今年讀 F.5，有葡藉，可以有什麼途徑來升讀大學或者銜接課程呢？另外，最近從留學 Agent 處了解到 University college Dublin 有銜接課程適合我阿仔，但由於阿仔雖然有葡藉身份卻從未有在歐盟生活和交稅，所以學校只當佢國際學生入讀，想請問你知唔知當阿仔讀左三年之後，可否申請成為歐盟學生呢？
我答：有關到愛爾蘭升學，可查看網站 https://www.educationinireland.com/en/ 。網站內有詳細介紹如何申請本科生，研究生或英語語言課程。亦有仔細說明如何申請學生簽證，學生簽證所需費用；家長必須提供什麼類型嘅財務證明；大學學費如何被歸類為歐盟學生學費或非歐盟學生學費；如何申請獎學金等等。
按照你嘅情況，如果你兒子入大學時不符合國籍標準要求，當佢讀咗三年大學之後，佢仍可能有權使用歐盟費用去繳交剩餘學費，你兒子可以喺第四個學年嘅 1 月 31 日之前，直接向大學查詢。注意 ⚠，由於每個高等教育機構都有權設定自己嘅學費收費率，所以大學如何收費，都係以佢哋最終決定為準。
你問：配偶中只有一人工作，要如何報稅先可以得到合適嘅稅務減免？
我答：如夫妻倆人只有一人工作，而有工作者未有向 Revenue 申報自己嘅家庭狀態，咁就需要自己使用 My Account 登記配偶資料、自己需要照顧嘅子女嘅數目，各人嘅名子； PPSN 等資料，有工作者亦可申報使用 Joint Assessment， 用埋未有工作嘅配偶嘅免稅額。 而未有工作嘅配偶，亦需要使用自己嘅 PPSN 註冊自己嘅 My Account 帳戶，去聲明自己同意配偶使用自己嘅免稅額。當有工作者完成申報後，便可以得到一封更新嘅 Tax Credit Certificate 通知書，咁就可以肯定自己得到合適嘅稅務減免。
Comments