朋友越深入了解移居愛爾蘭生活嘅方法，越發現自己個頭越諗越大。原因就係因為申請乜嘢都要用地址證明…..唉，連屋都未搵到，點樣整個住址證明出嚟？？
申請 PPSN : 必定需要愛爾蘭住址證明。
申請 PSC ( Public Service Card ) : 必定需要愛爾蘭住址證明。
開銀行戶口 : 必定需要愛爾蘭住址證明。
考取愛爾蘭車牌：必定需要愛爾蘭住址證明加 PSC ( Public Service Card )。
透過愛爾蘭地產代理 租屋，某些代理會要求租戶提供愛爾蘭住址證明、入職證明等等 ( 證明自己喺愛爾蘭有份工、有固定收入，有足夠存款....... ) 證明信件何來？？
到底點樣先可以攞到一張印有自己名嘅地址證明？？
💥 葡萄牙國籍 / 歐盟國籍人仕可以使用以下兩種方法去開始第一步：
一 ：根據申請 PPSN / PSC 嘅要求，你可以嘗試用最後一項途徑 *由第三方確認地址，獲得有效嘅住址證明。
二：選擇喺 AIB 銀行開設銀行戶口，你不需要提供愛爾蘭住址證明，亦可以透過上網登記、完成視頻確認身份手續、順利申請戶口。
Comments