澳門好友近日問咗我一啲問題：「 點解你咁鍾意愛爾蘭？點解你覺得嗰邊讀書好？？嗰邊有乜嘢係澳門冇？ ？點解你一定要返去？？」
上述一連串問題，我喺過去十幾年不停咁問過自己，亦反覆思考咗無數次。
其實要走嘅理由，係真係唔想留。想當初我首次離鄉別井之後再返番澳門，一踏入去嘅感覺就係，我唔可以成世留喺度。
我認為自己如果要走，目的地一定係愛爾蘭，而唔係其他國家。其實當年我亦有去過英國，咁點解唔揀英國？而揀咗去大家都認為係好落後、甚至唔知道喺邊嘅愛爾蘭？
其實愛爾蘭並唔係比任何國家 / 地方都要優勝。我會咁瘋狂咁熱愛呢個地方，只係因為愛爾蘭可以令我完全感受到自由，包容同愛。如果我只係想賺大錢，生活方便就腳，日日飲飲食食，隨時隨地吃喝玩樂。留低喺中國澳門先係「 正常 」嘅選擇。我會留喺愛爾蘭，係因為愛爾蘭能夠帶畀我心靈上嘅滿足。而且我亦知道，呢一種滿足可以勝過一切。
借此問問朋友，你是否亦都瘋狂地熱愛著中國澳門？留喺中國澳門，你嘅心靈是否已經滿足？如果你係，咁樣你應該明白我嘅感受。
Are you proud to be Chinese without to be Macaoese?
I am proud to be Irish and to be a real Macaoese.
コメント