以分享正確資訊為宗旨

已更新：2022年7月20日

有留意開我專頁嘅朋友都知道，我撰寫嘅文章一直都係以分享愛爾蘭資訊；指導葡萄牙籍朋友及其家人如何可以成功移居愛爾蘭為主。投資移民愛爾蘭從來都唔係我想涉及嘅範疇，我亦絕對無意參與。

但係近日眼見投資移民愛爾蘭嘅話題越來越熾熱，而當中某些講解者分享嘅資訊.......係有商榷嘅地方，令我忍唔住要講一下我所認知嘅狀況同政策，希望大家可以了解更多有關投資移民愛爾蘭嘅相關資訊。

首先我要嚴正指出：愛爾蘭共和國並唔係英國 !

愛爾蘭投資移民計劃 (IIP ) 提供一系列投資選擇，允許獲得批准嘅非歐洲經濟區投資者和其直系親屬以多次入境簽證進入愛爾蘭，並且可以喺愛爾蘭合法居留、就業、停留讀書長達 5 年，而往後有可能獲得持續續簽。

成功申請投資移民計劃及其直系親屬將首先獲得 2 年嘅居留許可，簽證類型為 Stamp 4 Visa ，直系親屬係指投資者嘅配偶，民事伴侶或伴侶以及 18 歲以下嘅受撫養子女。喺某些情況下，18 至 24 歲嘅青年人亦可以被考慮為符合資格嘅家庭成員。此許可到期後可以再續簽 3 年。當到達第 5 年之後，投資者可以申請長期居留權，簽證類型為 Stamp 5 Visa。如果有需要，投資者以及其受惠親屬可以在同一期限內獲得多次個入境簽證 Multiple entry visas 。

愛爾蘭政府會定期對參與投資移民計劃嘅投資內容進行覆查，如果投資者及其合格嘅家庭成員喺其中某一次政府覆查中滿足唔到指定嘅條件，IIP 嘅居留身份就有可能會被撤銷。

條件當中包括：

> 指定投資必須喺指定期限內保留到位 ( 仍然生效 )。

> 投資者及其合格嘅家庭成員不得成為愛爾蘭國家嘅經濟負擔。

> 在任何司法管轄區，投資者及其合格嘅家庭成員都不得被判犯有刑事罪。

按此了解如何獲得長期居留權 Stamp 5 Visa Without condition as to time。注意 ⚠ 申請人須合法地居住喺愛爾蘭才能申請此許可。Without condition as to time ( 無時間條件許可 ) 申請人必須憑自己嘅條件獲得無條件時間許可。申請人獲批並不等於其家庭成員可自動獲批。

資訊參考來源：

⛑以上內容僅供參考，一切以政府部門嘅指引要求為準。