喺之前嘅帖文曾經提過，愛爾蘭物價唔平，大部分日用必需品，售價都會比港澳貴。今次就以文具為例，向大家重點說明一下D價格到底有幾昂貴。
大家幫仔囡購買學校課本 ( 愛爾蘭中小學沒有協助購買學校課本服務、家長要自行購買 )、功課簿、文具等用品，如想要方便就腳，可以選擇到 Eason 書局 ( 愛爾蘭內其中之一間大書局、各地區都有連鎖店 ) 購買。但 Eason 內嘅文具售價絕不便宜......
( 可參考圖片及 Link 內嘅價錢 ) 絕對會令到大家荷包大出血。
好可惜嘅係，就算去其他文具店、價格也平不了多少。
如果想經濟一點，大家可以到 Dealz 或者 Euro Giant 選購 ，但呢兩間商店貨品不夠齊全，文具質量亦比較參差，大家要睇過先好買。
生活小 Tips
• 每年九月份開學之前，文具用品都會有折扣優惠，到時可以多買一點做存貨。
• 貨比三家，一定要格咗價先好買。
• 常保存購物收據及物品嘅包裝袋，如果真係唔啱用、有損壞、甚至乎知道自己買貴咗，都可以於指定日子內去換貨或退貨 ( 不收手續費 ) 。
** 各商店嘅退貨條款各有不同，要自己留意。
最後，如果可以，嚟愛爾蘭之前，先大量入貨吧。
Comments