移居愛爾蘭之前，我家財政大臣精心計算日後生活開支，確保家中上下各人生活品質不變之餘，仲可以輕輕鬆鬆享受人生。
要講一個家庭嘅最大支出、一定非「 住 」莫屬。愛爾蘭房屋租金高昂，如果一開始只考慮日後「 只租不買 」，老實講、想要輕鬆過日子，係絕對無可能。以一家四口為例，假設夫婦同時打工，兩人合共每個星期實收 € 700，月入 ( 以四個星期計算 ) 總共 € 2,800，加上申請兒童福利 ( 兩人 ) 月入 € 280。一個月總收入 € 3,080。扣除租金後 ( 都柏林區內一房單位最低成本已經超過一千歐元 )，餘額可能只係啱啱足夠應付開支。生活品質無改變之餘，再加上喺愛爾蘭人生路不熟，咁樣點解要移民呢？
所以，想移居愛爾蘭生活，一定要有足夠資金買屋，唯有減去最重嘅負擔，生活先可以無後顧之憂。當然，你都要先了解愛爾蘭嘅生活環境，方式，接受各種嘅改變，不便利。先好勇敢咁踏出第一步「 移民 」之路。
Comments