COVID-19 沒了沒完，沒完沒了😩 聖誕出遊嘅願望幻滅咗，出年應該可以回澳探親吧？或者？可能？應該得啩？...... 唉、其實真係唔敢諗住；因為連最基本嘅旅遊證件也快將過期啦......囧囧囧囧
由於較早前愛爾蘭實行 Level 5 Lockdown 嘅關係，駐愛爾蘭嘅葡萄牙領事館已經由十月廿二日起暫時暫停向公眾開放。就算依家愛爾蘭防疫政策已經降回至 Level 3，但領事館依然重門深鎖。假若真係有緊急需要嘅話，亦只可以透過電郵聯絡領事館再作安排。咁如果本身並沒有迫切性嘅話，唯有等.......
證件暫時冇得換；就算有，仍然要過五關斬六將⋯⋯
身體健康想外出走走，麻煩先去做核酸測試！
核酸測試呈陰性 ( 安全 )，麻煩先登記健康碼！
一個健康碼想走勻全世界？No 、no 、no、當然未夠，麻煩睇清楚，出入香港要一個，出入澳門又要另一個 😞⋯⋯仲有、未完
關於健康出遊，港澳地區有健康碼、其實歐洲也將會實行「歐洲健康護照」Health Passport Europe
所有居住喺愛爾蘭而又想外出旅遊嘅人士，可以使用 Apple 或 Android 系統下載 Health Passport Europe 應用程式，以證明自己可以健康出遊。登記者透過此程式授權醫療管理人員協助創建個人嘅 Health Passport Ireland 帳戶；並且保持更新COVID-19測試結果。
下載 Apps 後需要：
• 登記註冊個人資料 ( 包括姓名、出生日期、聯絡電話號碼、電郵地址 )。
• 上載個人相片。
• 登記者最近嘅測試結果嘅 COVID-19狀態( 如已經接受核酸檢測 ) 會直接鏈接到應用程式嘅個人帳戶內。
• 登記者嘅 COVID-19 狀態會實時自動更新，並且可以喺必要時顯示俾海關 / 醫護人員 / 第三者查看。
• 當登記者嘅 COVID-19 狀態為綠色，就可以安心出行。然而，測試嘅有效性會隨著時間嘅推移而過期，COVID-19 嘅狀態會由綠色自動變為琥珀色，咁登記者就需要再次接受測試。
• 如 COVID-19 檢測為陽性，登記者嘅 COVID-19 狀態會變成紅色。
對於無意外遊嘅居民，愛爾蘭政府亦推出咗 Health Passport Scanner 應用程式。咁意味著大家都可以喺需要嘅時候 「輕鬆」掃描其他人嘅健康狀況。咁樣就會大大增加咗所有人日常生活嘅安全性。😂
Comments