最初成立 愛澳之人 呢個專頁嘅目的，係希望可以透過自己嘅經驗，將自己認識嘅愛爾蘭分享畀大家知道。
一年過去啦，真係好感恩我嘅文章可以吸引到您哋嘅讚賞；亦都好榮幸可以幫助到數個家庭成功着陸愛爾蘭。
真誠感激大家對我嘅信任；大家願意赤裸裸、毫無保留咁同我分享自己嘅私人事；以及為我投入真實感情。
藉住同大家一次又一次嘅互動，我完全能夠感受到各人由無從入手；到膽粗粗頂硬上；再逐漸漸入佳境；甚至乎開始越來越欣賞愛爾蘭。我成立專頁嘅所想所願，因為大家而做到了！多麼慶幸 we connect 👊🏼，能夠活在同一天空下，感受人心真善美。
相信我！
大家都會慢慢愛上愛爾蘭的；
因為她嘅美；可以逐一慢慢咀嚼、回味。
Comments