初到愛境嘅朋友想知道，到底點樣先可以加快速度擴大自己嘅社交圈子，融入社會，適應每日都要面對嘅新環境，快啲安居樂業？
關於擴大社交圈子呢個問題，我自問仍在摸索中。
人大咗，顧慮多咗，就算係面對同聲同氣，擁有類似文化背景嘅 「 自己人 」，要交心其實都唔容易。更何況依家要面對嘅人係：有唔同嘅文化，唔同嘅背景，最慘仲要係講唔同嘅語言，正宗係 「 雞同鴨講 」。講唔埋欄就係梗架啦。
嚟到愛爾蘭，理應就係要好好融入社會，以愛爾蘭嘅本土方式去生活。本土嘅食品口味可以唔跟，本土嘅生活習慣可以唔學，但係本土嘅文化理念，處事態度就一定要去觀察，去接納，去尊重。
要記住：
觀察過後並不一定要認同。
去接納亦不等於要逆來順受。
人在外當然要懂得包容，
但亦要懂得喺適當嘅時候，堅持自己嘅堅持。
懂得互相尊重，互相學習，互相包容。先至可以令到自己與別人同步。
喂，咁樣即刻點樣先可以安居樂業呀？
好簡單，其實只要自己覺得開心就好！😆
Comentarios