愛爾蘭島係一個充滿嬌花嫩草嘅國度，每年四月至七月期間，合適嘅氣溫加上充足嘅陽光，定必鮮花盛放。
呢兩個星期愛爾蘭天氣特別好，陽光充沛，處處微風。人走在路上，必定看到五顏六色嘅花叢，喜歡花兒的，當然賞心悅目；但對於花粉敏感症 ( Hay Fever ) 患者嚟講，簡單痛不欲生。
花粉過敏嘅主要症狀有三種：
1.「花粉過敏性鼻炎」: 因吸入花粉而引起嘅鼻炎，患者會打噴嚏、出現鼻子瘙癢等不適。
2.「花粉過敏性哮喘」: 患者會出現陣發性咳嗽、呼吸困難、有白色泡沫樣黏液、突發性哮喘發作並漸重，病好後則與正常人無異。
3.「花粉過敏性結膜炎」: 患者會出現眼睛發癢、眼瞼腫脹，並常伴有水樣或膿性黏液分泌物出現。
本人正正就係有 1 、3 症狀嘅患者，每年到咗呢個時間，外出定必配戴太陽眼鏡 🕶️ 防花粉，今年仲有口罩 😷 加持，但仍然都係鼻水長流，眼腫面腫。無奈我喜愛花卉，熱愛大自然，更愛愛爾蘭翡翠綠島國！為此甘願忍受皮肉之苦，得失取捨，誰人能明？
如果想知道自己有冇花粉過敏？過嚟愛爾蘭呼吸一下新鮮嘅空氣就知道啦。
コメント