葡籍人士重要提示

近期移居過嚟嘅朋友話我知，就算揸住葡國護照，如果無人指引，要喺愛爾蘭順利落腳都唔係咁容易！所以我打算在此分享一下朋友遇到什麼 ( 一連串 ) 難題，順便提供解決方法，希望可以幫助到有需要嘅人。

注意 ⚠ 注意 ⚠ 注意 ⚠

首先一定要買一張愛爾蘭本地電話卡

( 只可以買 SIM card only plan )

點樣先可以租定屋？真係租唔到屋咁點算好？

• 我會建議有意移居者喺臨近出發之前，先上網睇定心儀住房，再直接 email 聯絡對方，說明自己目前仍在境外，將會準備移居。問對方可否安排時間，等到步後可以第一時間看房子。

( 雖然 Email 通常很難得到回覆，但亦並非完全沒有，所以呢個方法一定要試 。)

• 一定要至少租定兩個星期或更長時間嘅 Bnb / Hotel / AirBnb 落腳，以便到步後有瓦遮頭，然後直接打電話聯絡有屋出租嘅人。

要點樣凖備文件先可以快啲攞到 PPSN ？

• 上 MyGovID 開一個 Basic Account，之後選擇 MyWelfare 直接申請 PPSN，準備以下資料 upload ：住址證明，護照 ( 有個人資料嗰頁 )，申請理由 ( 例如考車，列印考路試申請表出嚟，填上個人資料，再影返張表俾佢睇 )。

按此了解 MyGovID Basic Account

開唔到銀行戶口，點算好？

• 建議到郵政局 An post 開一個 Current Account 用住先。因為 An post 住址證明要求冇銀行咁嚴格，申請人只需要遞交由 Social Welfare Services Office 寄回嘅 PPSN 號碼嘅信 / 租屋合約，已經喺有效嘅住址證明。

想要多幾張住址證明，有咩好方法？

• 到網絡供應商 ( 例如：Virgin Media ) 購買一個上台付月費嘅 Broadband ( 家用寬頻 wifi ) ，佢唔需要客戶提供住址證明，只需要有流動戶口做到自動轉賬交錢，就可以申請。Broadband 月結單係銀行 / 政府部門 / 學校會接受嘅有效住址證明。

• 將用緊嘅電話卡轉去上台付月費，Phone Bill 月結單係銀行 / 政府部門 / 學校會接受嘅有效住址證明。

• 成功租屋後，將電標 / Gas 標轉到名下，得到月結單都係銀行 / 政府部門 / 學校會接受嘅有效住址證明。

#我係愛澳之人 #我係生活在愛爾蘭嘅澳門人