話說與好友閒談時，好友看到我家中充滿著各種大大小小不同類型嘅淘寶貨、十分好奇、問我點樣入手？
老實講、想當初決定舉家移居愛爾蘭時、並沒有打算將澳門家中所有物品全部帶走，一來我當時喺愛爾蘭未有自己嘅屋，只係租咗三間房暫時安頓家人，二來想喺澳門搵一間可以透過海運直送到愛爾蘭嘅物流公司 ( 上門包收得嚟仲要又有口碑、又安全、又包清關、又啱數🧐 ) ，真係難度甚高。問吓已移居到海外嘅親戚朋友有無好介紹、佢哋竟然答佢哋喺幫襯香港物流公司？！咁即係點？唔通我要先搬家到香港，再搬去愛爾蘭….....唉......其實澳門真係好落後...........
講到呢度、大家係咪好想知道到最後、問題點樣解决咗？
就係： 螞蟻搬家 ( 唔係幫人收淘寶嗰間 )。
我哋用咗最直接嘅方法、自己帶自己最、最、最需要嘅物資，打包入行李 ( 每人有 30 kg 😂 ) 。如是者，喺移居到愛爾蘭嘅數年間，一有機會 / 需要回澳時，一定會表演執行李嘅魔法。
如果需要一次性連根拔起嘅朋友、我提供以下搜尋到嘅資料俾大家，希望可以幫到你哋。 ( 我見到有幾間喺香港嘅物流公司，愛爾蘭都有辦事處，我相信服務應該會唔錯。)
由澳門寄出：
由香港寄出：
#利申我冇幫襯過✋🏻
Comments