捍衛母語

愛爾蘭人日常生活主要用語係英語，只有某幾個以愛爾蘭語為主語嘅地區，或者從事政府工作，教師等行業先會充分運用到愛爾蘭語。

由於愛爾蘭嘅英語普及程度實在太過高，加上學習愛爾蘭語係有相當高嘅難度，我相信愛爾蘭人都會懷疑愛爾蘭語是否可以傳承下去。

現時愛爾蘭小學強制性需要所有學生學習愛爾蘭語。作為家長，如果唔想加重子女嘅學習壓力，就需要主動向學校校長申請免修愛爾蘭語。當得到免修愛爾蘭語通知書，學生就唔需要再參與愛爾語嘅課堂，老師亦會適當利用該課堂嘅時間去俾學生加強其餘嘅學科。獲得免修嘅學生亦不需要參加愛爾蘭語初中、高中畢業考試。

作為一個講廣東話嘅家長，我當然知道學習同捍衛母語嘅重要性，所以我嘅仔女都係可以講得一口流利嘅廣東話。

我亦都好尊重愛爾蘭語，女兒亦有嘗試學習愛爾蘭語。但無奈愛爾蘭語實在太難學，而且真係冇咩地方可以運用到，所以上到中學，喺需要以爭取到高嘅分數入大學為大前提之下，唯有為女兒申請免修愛爾蘭語。

至於兒子，因為佢係澳門已經完成小學畢業。所以佢喺中學係免修愛爾語。

申請免修愛爾蘭語，可參考：

Apply for an Irish exemption

New Criteria for Irish Exemption in Schools

#我係愛澳之人

#我係生活在愛爾蘭嘅澳門人