愛爾蘭房屋租金越嚟越貴，根據 The Daft 地產網 2021 年第四季房屋租金調查顯示，自 2018 年第四季度開始全國房屋租金不斷上升，比起之前已經貴咗 10.3 % ( 平均值 )。
自置物業方面，現時房屋出售價格平均比一年前高出 7.7 %。而都柏林首相圈內、圈外；其他城市市中心內、市中心外，又會有唔同程度嘅升幅。
其實以上嘅報告都只係數字上嘅敍述。大家未必想像到愛爾蘭嘅房屋市場，到底升得有幾咁誇張。如果想喺交通便利、生活配套完善嘅地區置業，你現時會發現，房屋出售叫價，比起 2018 年以前，起碼貴咗 € 30,000 或以上。如果選擇嘅地區嘅屋價係比之前嘅市價平好多，咁個升幅就仲加誇張。話說我區內一屋苑四房半獨立屋 2018 年成交價係 € 285,000，現時同類型房屋嘅叫價已經上到去 € 320,000！所以大家想置業真係要趁早！仲有愛爾蘭租屋市場嘅長期狀況一直都係「 一屋難求 」！咁租金有幾貴，租盤有幾缺，唔使我多講啦！
留言